שומיאטש
|
דער אַרטיקל איז אַ יתום, ווייל ווייניק אָדער קיין אַרטיקלען פאַרבינדן צו אים. זייט אַזוי גוט שאַפט לינקען צו דעם בלאַט פון אַרטיקלען וואָס האָבן אַ שייכות; ס׳איז פאַראַן פאָרשלאָגן. |
| ||||||||||||||
.png)
שומיאַטש (רוסיש: Шумячи ; בעלאַרוסיש: Шумячы ; פּויליש: Szumiaczi) איז א שטאטישער יישוב אין סמאלענסקער גובערניע, רוסלאנד, 106 ק״מ דרום פון סמאלענסק.
יידן אין שומיאטש
[רעדאַקטירן | רעדאַקטירן קוואַלטעקסט]אין יאר 1900 האבן געוואוינט אין שומיאטש 2,523 יידן,[1] וואס זענען געווען א מערהייט פון די איינוואוינער. אין דער סאוועטער תקופה צווישן די צוויי וועלט־מלחמות האט זיך פארקלענערט די צאל יידן אין דעם יישוב, און פאר דער צווייטער וועלט-מלחמה זענען געבליבן דארט עטלעכע 700 יידן, און ס׳איז געווען דארט א יידישע שולע.
דעם 1טן אויגוסט 1941, בשעת דער אפעראציע בארבאראסע, איז דאס שטעטל געווארן איינגענומען דורך די דייטשן; אין דעם ערשטן חודש האבן זיי שוין ארויפגעלייגט פארשידענע גזירות אויף די יידן, צווישן זיי די פליכט צו טראגן געלע לאטעס, און אויספירן צוואנג ארבעט, אין דער זעלבער צייט האבן זיי דערמארדעט די עלטערע יידן, נאך זאגן זיי אז מען פירט זיי צו א סאנאטאריע.
אין אקטאבער 1941 האבן זיי קאנצענטרירט צווישן 400 און 500 יידן וואס זענען געבליבן דארט אין א געטא. דעם 17טן און 18טן נאוועמבער 1941 האבן די דייטשן דערמארדעט אלע באוואוינער פון דער געטא.
הרב צבי יהודה עדלשטיין האט געדינט ווי שטאטס־רב; שפעטער איז ער געווארן רב פון רמת השרון. זיינע צוויי זין זענען געבוירן אין דעם יישוב, יעקב, זיין נאכפאלגער אלס רב פון רמת השרון, און גרשון, איינער פון די פאנאוועזשער ראשי ישיבות.
רעפערענצן
[רעדאַקטירן | רעדאַקטירן קוואַלטעקסט] |
דער ארטיקל בנוגע א געאגראפיש ארט אין אייראפע איז א שטומף—עס פעלן אין אים גרונטלעכע אינפארמאציע איבערן פארשטאנד פון דער טעמע. ביטע העלפֿט דאס פֿארברייטערן. |