ערמאנט

פֿון װיקיפּעדיע
(אַריבערגעפֿירט פון עירמאנט)
שפּרינג צו: נאַוויגאַציע, זוך

ערמאנט איז א דערפל אין ראמאפא, ראקלענד קאונטי ניו יארק. דער דערפל איז געגרינדעט און באזירט געווארן אין יאר 1991. עס געפונט זיך צפון פון ניו זשערסי, מזרח פון סאפערן, דרום פון מאנסי און מאנטעבעלא און מערב פון טשעסנאט רידזש. דער פאראייניגטע שטאטן צענזוס ביורא שאצט אפ די בעפעלקערונג 8,628 (2010). דורך די פארלויפענע יארן פילע יידן האבן זיך באזירט דארט און היינט צו טאגס די יידישע געמיינדע אין ערמאנט ציילט אפ הונדערטער משפחות. אין יאר 2005 האט די ישיבה פון "משכנות לאביר יעקב" געוואלט זיך אריבערציעהן אהין, און אויכעט אויפצובויען א דארמיטארי, אבער טראצדעם וואס זיי האבן שוין געקויפט א שטח, זייער פארלאנג איז אפגעלייגט געווארן דורך די אדמיניסטראציע פונעם דערפל צוליב פארשידענע סיבות, אבער די הויפט טענה פון די אדמיניסטראציע איז געווען אז איינע פון די תקנות פונעם דערפל איז נישט צו האבן אדער בויען סיי וועלכע רעליגיעזע מוסדות. נאכדעם וואס די ישיבה האט איינגעגעבן א אנקלאג אין אויבערגעריכט אז מען האט זיי דיסקרימינירט אויפן גרונד פון רעליגיע (א זאך וואס רעכנט זיך גאר הארב און שטרענג פארבאטן אין אמעריקע). אין 2011 דער אויבערגעריכט האט געפסק'נט אז די תקנות פונעם דערפל מוזן ווערן געטוישט זאפארט, און דערצו דער ריכטער האט זיי באשטראפט מיט א סומע פון 10,000$ און געגעבן ערלויבעניש פאר די ישיבה אויפצושטעלן א דארמיטארי דארט.

דער בארימטער חסידישער זינגער אלעזר ליפא שמעלצער איז איינער פון די מער באוואוסטע איינוואוינערס פון ערמאנט. אין יאר 2010 האט ער געעפנט א שוהל מיטן נאמען "ערמאנט שוהל" וואס ער פירט אן מיט א ליבעראלע פאליסי. איינע פון די הויפטזעכלעכע תקנות פון דער שוהל איז צו רעספעקטירן און כבוד געבן פאר יעדן איינעם, נישט קיין חילוק פון וועלכע קרייז ער קומט אדער וויאזוי גייט ער אנגעטוהן.‏[1]

רעפערענצן[רעדאַקטירן | רעדאקטירן קוואַלטעקסט]