ספיידער-מאן

פֿון װיקיפּעדיע
קפיצה לניווט קפיצה לחיפוש
Spider-Man2.jpg

ספּייַדער-מאַן אדער ספּייַדערמאַן (ענגליש: Spider-Man, ווערטלעך: "שפין-מאַן") איז א פיקטיווער סופּערהעלד אינעם מארוועל קאמיקס אוניווערס. ער איז געשאפן געווארן דורכן שרייבער סטען לי און דער קינסטלער סטיוו דיטקוי. ספּייַדער-מאַן האט ערשטנס באווייזט אין "אַמייזינג פֿענטאַזי נומער 15" אין אויגוסט 1962. די געשיכטע איז געווען אז ער איז געווען א יתום אױסגעכאָװעט דורך זיין טאנטע מיי און פעטער בען אלס א נארמעלער יינגל. ער האט געהאנדלט מיט די נארמאלע שוועריקייטן פון יוגנט און אויך די שוועריקייטן פון ווערן א פארברעכן קעמפער אין א פֿאַרקליידונג. זיינע כוחות זענען געווען סופער שטארקייט, לייַכטקייט, די פֿעיִקייטן צו אויפֿהענגן צו כמעט יעדער באָדן, צו שיסן שפין-געוועבן מיט אן אַפּאַראַטל ער האט געמאכט און הייסט "געוועב-שיסערס", און צו רעאַגירן צו געפאר זייער שנעל מיט זיין "שפין-חוש", וואס דערלויבט אים צו קעמפן פילע שונאים ענלעך צו א שפין.

ספּייַדער-מאַן האט ערשטנס דערשיינט אין די ערשטע 1960ער יארן, אין וועלכער צייט יינגלעך אין סופּערהעלד קאמיקס זענען געוויינטלעך געווען די שותפים פון די פראטאגאניסטן. אין די סעריע איז געווען פּיטער פּאַרקער, א מיטלשול סטודענט וואס האט אפט געדאַרבט פון מילגדיקייט און איינזאַמקייט, ענלעך מיט מערסט יונגע מענטשן. נישט ענלעך טייל יונגע העלדן ווי באַקי און ראָבין האט ספּייַדער-מאַן נישט געהאט קיין עלטערע לערערס ווי פון קאַפּיטאַן אַמעריקע אדער באַטמאַן צו קנעלן אים ווי צו ווערן א סופּערהעלד. ער האט געלערנט פאר זיך אז "מיט א גרויסער כוח קומט א גרויסע אחריות".

מארוועל האט גענוצט ספּייַדער-מאַן אין א סאך קאמיקס סעריעס ווי "דער געוואַלדיקער ספּייַדער-מאַן", "דער פֿענאָמענאַלער ספּייַדער-מאַן" און "דער חושמדיקער ספּייַדער-מאַן". פּיטער פּאַרקער האט אויסגעוואַקסן פון א שעמעוודיקער מיטלשול סטודענט, צו א קאלעדזש סטודענט און צו א פֿאַרהייַראַטער מיטלשול לערער. זיין מערסט באקאנטער ראלע אלס א דערוואַקסענער איז אלס א פֿריַיליידיקער פֿרילענס פֿאָטאָגראַף. ער איז אויך געווען א מיטגליד פון ביידע די "נייע אווענדזשערס" און "די פאנטאסטישע פיר". ספּייַדער-מאַן האט געהאט פילע פאלשע נעמען איבער דער צייט, ווי "ספּייַדי", "געוועב-וואַרפֿער", "וואנט-קראלער" אדער "געוועב-קאפ". טייל רשעים הייסן אים "שפין", און ער הייסט זיך "דיין פֿריינדלעכער ספּייַדער-מאַן פֿונעם קוואַרטאַל".

אויך איז ספּייַדער-מאַן געווען איינער פון די מערסט פאפולערע און געראָטנע סופּערהעלדן. ער האט באווייזט זיך אין פילע סארטן מעדיע ווי אנימירטע און פילמירטע פילמען.

פּובליקאַציע[רעדאַקטירן | רעדאקטירן קוואַלטעקסט]

ספּייַדער-מאַן (אויך באקאנט אלס פּיטער פּאַרקער) האט ערשטנס באווייזט זיך אין דעם "אמייזינג פענטאזי נומער 15" קאמיקס בוך אין אויגוסט 1962. צוליב זיין הצלחה האט א נייע קאמיקס בוך סעריע אָנגעהויבן מיטן נאמען "דער געוואַלדיקער ספּייַדער-מאַן".

אויסטריט[רעדאַקטירן | רעדאקטירן קוואַלטעקסט]

ספּייַדער-מאַן טראגט א רויט-און-בלויער סופּער גאַרניטור. ער האט א געוועב פֿאָרמירונג אויף די רויטע טיילן, וועלכע זענען די מאסקע, קערפּער, שטיװאַלעס און הענטשקעס. די הויזן און אַרבלען זענען בלוי.

וועבלינקען[רעדאַקטירן | רעדאקטירן קוואַלטעקסט]

Commons-logo.svg
וויקימעדיע קאמאנס האט מעדיע שייך צו: ספיידער-מאן