מאיר סאלאווייטשיק

פֿון װיקיפּעדיע
קפיצה לניווט קפיצה לחיפוש

הרב מאיר סאלאווייטשיק (י"ט טבת תרפ"ט, 1טן יאנואר, 1929 - כ"ד אדר ב' תשע"ו, 3טן אפריל 2016) האט געפירט א בריסקער ישיבה אין דער אחווה געגנט פון ירושלים. ער איז געווען א זון פון הרב יצחק זאב הלוי סאלאווייטשיק, דער "בריסקער רב".

ביאגראפיע[רעדאַקטירן | רעדאקטירן קוואַלטעקסט]

הרב מאיר איז געבורין געווארן אין בריסק, ליטע, צו רב יצחק זאב און זיין ווייב אלטע הינדל. מען האט אים געגעבן א נאמען נאך זיין מאמענס זיידע, הרב מאיר אויערבך, דער "אמרי בינה". זומער ת"ש (1940) האט ער געוואנדערט אין ווילנע מיט זיינע שוועסטער. זיין פאטער איז נישט געווען אין בריסק ווען די צווייטע וועלט-מלחמה האט אויסגעבראכן און האט פאראייניגט מיט זיי שפעטער אין ווילנע. זיי זענען ארויף קיין ארץ ישראל אין יאר תש"א (1941) און האבן זיך באזעצט אין ירושלים. ער האט געלערנט אין דער עץ חיים תלמוד תורה און ישיבה ביי הרב הלל וויספיש און שפעטער ביי איסר זלמן מעצער, אויך האט ער געלערנט ביי זיין פאטער.

אין תשי"ט האט ער געהייראט די טאכטער פונעם גביר יחיאל בענעדיקט, א האלב יאר פאר זיין פאטער׳ס פטירה. די חתונה איז פארגעקומען אין תל אביב, און שבת שבע ברכות האט מען געפייערט אין וואגשאל זאל אין בני ברק. אז דער בריסקער רב זאל זיין א שבת אין בני ברק איז געווען א זעלטענער געשעעניש און א גרויסער טייל פון די איינוואוינער פון בני ברק האבן באטיילט אין דער שמחה כדי צו טרעפן אים.

מיט די יארן האט ער געעפנט א ישיבה אין דער אמעריקאנער שול אויף רחוב ראשית חכמה אין דער אחווה געגנט פון ירושלים. אין זיינע לעצטע יארן האט די ישיבה זיך אנטוויקלט און האבן געלערנט דארט עטלעכע 200 בחורים און יונגעלייט. אזוי ווי די אנדערע  בריסקער ראשי ישיבות, פלעג ער זאגן שיעור ביי זיך אין שטוב יעדן אוונט, און אויך א "חומש שיעור" שלש סעודות צייט. אויך א סך וואס האבן נישט געלערנט אין זיין ישיבה זענען געקומען צו זיינע שיעורים.

זיינע קינדער זענען:

הרב יצחק זאב, זיין ממלא מקום אלס ראש ישיבה

הרב יחיאל, ר"מ אין דער ישיבה

הרב חיים, ר"מ אין דער ישיבה

הרב אברהם

הרב יוסף דוב (בערל)

די ווייב פון הרב צבי גראסבארד.