יעקב בעקנשטיין

פֿון װיקיפּעדיע
קפיצה לניווט קפיצה לחיפוש

פראפ' יעקב דוד בעקנשטיין (1טן מיי 1947, מעקסיקא שטאָט, מעקסיקא - 16טן אויגוסט 2015,‏[1] פינלאנד) איז געווען א ישראלישער פיזיקער. בעקנשטיין האט געהאלטן דעם פאלאק שטול פאר טעארעטישן פיזיק אינעם העברעאישן אוניווערסיטעט אין ירושלים[2] און איז געווען א מיטגליד אין דער ישראלישער אקאדעמיע פון וויסנשאפטן.‏[3] ער איז געווארן באלוינט מיט דער פרס ראטשילד פרעמיע אין 1988, די ישראל פרעמיע אין 2005 און די וואלף פרעמיע אין 2012.

ביאגראפיע[רעדאַקטירן | רעדאקטירן קוואַלטעקסט]

בעקנשטיין איז געבוירן געווארן אין מעקסיקע אין א פרומער יידישער משפחה צו זיינע עלטערן יוסף און אסתר (געבוירן וולאדאסלאוואצקי), פוילישע יידן וואס האבן אימיגרירט אין מעקסיקא. אין זיינע קינדווייזע יארן האט ער אימיגרירט מיט זיין פאמיליע אין די פאראייניגטע שטאטן. ער האט שטודירט כעמיע איין יאר אינעם ברוקלינער פאליטעכניק אינסטיטוט, אבער דערנאך האט ער פארטגעזעצט מיט אן ערשטן דיפלאם אין פיזיק.

הויפט ביישטערונגען צו פיזיק[רעדאַקטירן | רעדאקטירן קוואַלטעקסט]

אין 1972, איז בעקנשטיין געווען דער ערשטער וואס האט פארגעשלאגן אז שווארצע לעכער זאלן האבן א גוט-דעפינירטע ענטראפיע. ער האט געשריבן אז די ענטראפיע פון א שווארצן לאך איז פראפארציאנעל צום עווענט־האריזאנט פונעם שווארצן לאך. אויך האט בעקנשטיין פארמולירט דעם גענעראליזירטן צווייטן געזעץ פון טערמאדינאמיק , שווארצער-לאך טערמאדינאמיק , פאר סיסטעמען וואס שליסן איין שווארצע לעכער.  די ביידע ביישטייערונגען זענען געווארן באשטימט ווען סטיוון האקינג (און, אומאפעהענגיק, זעלדאוויטש און אנדערע) האבן פארגעשלאגן דעם עקזיסטענץ פון האקינג שטראלונג צוויי יאר נאכהער. לכתחילה האט האקינג דערקעגנט בעקנשטיינ׳ס סברה מיט דער טענה אז א שווארצער לאך קען נישט שטראלן ענערגיע און דערפאר קען נישט האבן קיין ענטראפיע.[4][5] אין 1974, אבער, האט האקינג אויסגעפירט א לאנגן חשבון וואס האט אים איבערגעצייגט אז טיילכעלעך קומען יא ארויס פון שווארצע לעכער. היינט ווערט דאס גערופן בעקנשטיין-האקינג שטראלונג. בעקנשטיינ׳ס דאקטאר־עצה געבער, דזשאן ארטשיבאלד ווילער האט אויך געארבעט מיט אים צו אנטוויקלען דעם קיין-האר טעארעם, א רעפערענץ צו וואס ווילער האט געזאגט אין די פרי 1970ער יארן אז "שווארצע לעכער האבן נישט קיין האר".[6] בעקנשטיין איז געווען דער ערשטער פיזיקער פארצושלאגן אזא טעארעם.

רעפערענצן[רעדאַקטירן | רעדאקטירן קוואַלטעקסט]

  1. מודעת אבל באתר "אבלים"
  2. מודעת אבל באתר "אבלים"
  3. מודעת אבל באתר "אבלים"
  4. Overbye, Dennis, Jacob Bekenstein, Physicist, dies at 68; revolutionized the study of black holes, New York Times, August 22, 2015, p.B7
  5. Levi Julian, Hana (3טן סעפטעמבער, 2012). "'40 Years of Black Hole Thermodynamics' in Jerusalem", ערוץ שבע. דערגרייכט דעם 8טן סעפטעמבער, 2012. 
  6. The Big Bang: A View from the 21st Century (2003) by David M. Harland, pp. 227–8, מוסטער:ISBN