יוסף שליסקי
|
דער אַרטיקל איז אַ יתום, ווייל ווייניק אָדער קיין אַרטיקלען פאַרבינדן צו אים. זייט אַזוי גוט שאַפט לינקען צו דעם בלאַט פון אַרטיקלען וואָס האָבן אַ שייכות; ס׳איז פאַראַן פאָרשלאָגן. |
 | |
| געבורט |
5 נאוועמבער 1891 ראדעם, פוילן  |
|---|---|
| טויט |
14 פעברואר 1955 (אלט 63) |
| מדינה |
פוילן, פאראייניקטע שטאטן פון אמעריקע |
| פאך |
חזנות |
  | |
יוסף שליסקי (ה'תרנ"ד-ה'תשט"ו) איז געווען א חזן אין ניו יארק. ער איז געווען פון די גרויסע טענאר חזנים נאכן ערשטן וועלט קריג,[1] און ער האט איבערגעלאזט אסאך קאָמפּאָזיציעס פון וואס מען קען נאך היינט זעהן זיין גרויסקייט.
ביאגראפיע
[רעדאַקטירן | רעדאַקטירן קוואַלטעקסט]שליסקי איז געבוירן אין אסטראווצע, קאנגרעס פוילן. אלס קינד האט ער געזונגען אין דעם שול־כאר אין זיין שטאט. ביי די זיבן יאר האט דער חזן געכאפט אים (מיט נאך קינדער אינעם כאר) זאגנדיג צו זייערע עלטערן אז ער נעמט זיי צו זינגען אין לאנדאן. ווירקליך האט ער געברענגט די קינדער קיין טאראנטא אין קאנאדע, וואו מ'האט זיי געצוואונגען צו זינגען פארן ציבור.
ווען יוסף איז געווארן קרוב צו 13 האט ער זיך געוואנדן צו דער יידישער קהילה אין טאראנטא און געבעהטן צו פירן זיין בר מצווה אין דער שול, און האט געמאכט א גרויסן איינדרוק אויף דער קהילה. איינער פון די מתפללים האט געגעבן אכט אויף אים און האט פינאנצירט זיינע שטודיעס. ווען יוסף איז געווארן אלט 17 האט יענער יוד גענומען אים פאר אן איידעם.
ער האט גראדואירט אין יאר 1917 פון דער "ראיעל קאנסערוואטאריע פון מוזיק" אין טאראנטא.
אין תר"פ האט שליסקי געהערט אז די סלאנימער שול אין ניו יארק זוכט א חזן. ער איז אריבער צום ראש הקהל'ס לעדער פאבריק, דארט האט ער געזונגען אויף פראבע, און דער ראש הקהל האט אים אויפגענומען אויפן ארט. צוויי יאר איז ער געווען חזן אין דער סלאנימער שול, דערנאך האט ער געהאט פארשידענע פּאָסט'נס אין שוהלן אין ניו יארק.
מען האט פארגעשלאגן פאר אים צו זינגען אין דער אפערע, אבער ער האט אָפּגעזאגט. דאך האט ער רעקארדירט צוויי ארייעס אויף יודיש.
זיינע באוואוסטע חזנ'ישע שטיקלעך זענען "אנא בכח", "לעולם יהא אדם" און "תכנת שבת".
אין פרילינג תרצ"ד, נאכן ענדיגן זינגען "אנא בכח" פרייטיג-צו-נאכט, איז יוסף שליסקי איינגעפאלן און פארלוירן זיין באוואוסטזיין. מ'האט אים דיאגנאזירט מיט אן אנפאל, און ער איז געליגן אין שפיטאל פאראליזירט מער ווי 20 יאר, ביז זיין פטירה אין תשט"ו. ער האט געהאט א ריזיגע לוויה, מער ווי הונדערט טויזנט מענטשן האבן אים מלווה געווען.
שטימע
[רעדאַקטירן | רעדאַקטירן קוואַלטעקסט]שליסקי האט געהאט א הויכע טענאר שטימע, ער דאוונט מיט א שטארקע ווארעמקייט און ווערט פאררעכנט מיט די גרעסטע חזנים פון זיין דור.
קאמפאזיציעס
[רעדאַקטירן | רעדאַקטירן קוואַלטעקסט]מערסטע קאמפאזיצעס וואס ער האט רעקארדירט איז ספעציעל קאמפאזירט געווארן פאר איהם דורך מאיר פאזנער.
- אב הרחמים
- אמר רבי אלעזר
- אשרי
- בראש השנה
- ברכת כהנים
- די ארייע רחל
- הבן יקיר לי
- ובמקהלות
- לאל עורך דין
- לעולם יהא אדם
- מזמור לדוד
- על הצדיקים
- פערל פישערס
- קדוש אתה
- קול השם
- רבונו של עולם, (ספירת העומר)
- רפאינו
- רצה במנוחתינו
- תכנת שבת
- תניא, (תיקוני שבת)
וועבלינקען
[רעדאַקטירן | רעדאַקטירן קוואַלטעקסט]- זשעפרי שיסלער, יוסף שליסקי אינעם "חזנות" וועבזייטל (אויף ענגליש)
- חזנות שטיקלעך פון יוסף שליסקי אין "Save the Music" וועבזייטל
- א אלבאם פון שליסקי אויף דזשודעיקאו סאונד ארכיוו http://faujsa.fau.edu/jsa/music_album.php?jsa_num=402262&queryWhere=&queryValue=402262&artisttext=shlisky&artist=contains&titletext=&title=contains&selectgenre=&selectlanguage=&musiconly=&id=&select=title&side=&track=&fetch=&pagenum=1&return=search_albums
- http://www.bhol.co.il/forums/topic.asp?topic_id=1685527&forum_id=14617 (ארכיווירט 05.03.2016 ביי דער Wayback Machine)
- http://www.piyut.org.il/tradition/3095.html?currPerformance=4066
רעפערענצן
[רעדאַקטירן | רעדאַקטירן קוואַלטעקסט]- ↑ שמואל ראזנבלאט אין זיין ספר "יאסעלע ראזנבלאט", עמ' 167