יוסף אפרתי

פֿון װיקיפּעדיע
שפּרינג צו: נאַוויגאַציע, זוך

הרב יוסף אפרתי איז דער גבאי פון הרב יוסף שלום אלישיב, וואס ווערט היינט גערעכנט אין ליטווישע קרייזן אלס פוסק הדור[1]. ער איז אויפגעצויגן געווארן אין א שטוב פון דעם מזרחי קרייז. אבער זיי שטאמען פון חסידישע רביס פון פוילן, וואס די ירושלים פרייהייט נאך דעם קריג האט זיי געמאכט פאר ציונים.

אלס אינגערמאן האט ער אנגעהויבן זיין קאריערע אין כשרות ביים בעלזא בד"ץ און פון דארטן איז ער געווארן א חסיד און צוריק אנגעטאן די שטריימל און בעקישע און זיך געלאזט וואקסן א פולע בארד און פיאות, ווי זיינע זיידעס בעפאר דעם צווייטן וועלט קריג.

זיין עקספערטיז אין כשרות האט ארויפגעארבעט די מהדרין רבנות השגחה אז עס זאל ווערן מער פארלעסלעך.

הלכה און כשרות[רעדאַקטירן | רעדאקטירן מקור]

ער שטייט שוין יארן אין שפיץ פון מכון לחקר החקלאות בהתיישבות; וואס דאס איז א אפאראט פון 12 כוללים, וואס אנטהאלט איבער 200 אינגעלייט תלמידי חכמים וואס טוען דורך אלע מצוות התליות בארץ און די כשרות פון ארץ ישראל אגריקאלטור ווי די הלכות פון שביעית, ערלה, חלה און תרומות, און ועל כולם די פארצווייגטע אישוס פון שמיטה.

פארהעלטעניש מיט הרב אלישיב[רעדאַקטירן | רעדאקטירן מקור]

ער איז דער שרייבער און עצה געבער הרב אלישיב[פֿעלט אַ מקור].

זיין נאנטשאפט צו רב אלישיב איז א וואונדער ביי פיל, ווייל הרב אלישיב, איז דאס פארקערטער ווי זיין גבאי אפרתי וואס איז א היציגער. אבער אלעס האט זיך אנגעהויבן אלס בחור ווען דער אינגער אפרתי פלעגט אין משך פון 2 יאר יעדן איינציגן טאג משוגע מאכן דעם רב מיט טעגליכע 12 שאלות. קיינמאל האט דער רב נישט געפרעגט דעם בחור קיין שום זאך נישט ווי אזוי ער הייסט, נישט וואו ער לערנט, און נישט וואו ער וואוינט. בלויז געענטפערט קאלט און טרוקן די הלכה. ביז איינמאל ענדליך האט ער אים געפרעגט א שאלה וואס דער רב האט נישט געהאט קיין ענטפער. און אים געשיקט צו אן אנדערן האט ער אים געפרעגט ווער ער איז. האט זיך ארויסגעוויזן אז ער האט געקענט גוט זיין טאטע.[פֿעלט אַ מקור]

רעפערענצן[רעדאַקטירן | רעדאקטירן מקור]

  1. מנהיגותו החדשה של פוסק הדור