יוסף אליהו הענקין

פֿון װיקיפּעדיע
יוסף אליהו הענקין
געבורט 1881
בעלארוס רעדאקטירן דעם פֿאקט ביי וויקידאטן
טויט 1973 (אלט 92 בערך) רעדאקטירן דעם פֿאקט ביי וויקידאטן
מדינה פאראייניקטע שטאטן פון אמעריקע רעדאקטירן דעם פֿאקט ביי וויקידאטן
פאך רב רעדאקטירן דעם פֿאקט ביי וויקידאטן
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער
יוסף אליהו הענקין
געבורט 1881
א' אדר א' תרמ"א
קלימאוויטש רעדאקטירן דעם פֿאקט ביי וויקידאטן
טויט 1973 (אלט 92 בערך)
י"ג אב תשל"ג רעדאקטירן דעם פֿאקט ביי וויקידאטן
מדינה פאראייניקטע שטאטן פון אמעריקע רעדאקטירן דעם פֿאקט ביי וויקידאטן
זיינע רביס הרב איסר זלמן מעלצער
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער

הרב יוסף אליהו הענקין (א' אדר א' ה'תרמ"א - י"ג אב ה'תשל"ג; 1881-1973) איז געווען פון די גרעסטע פוסקים אין די פאראייניקטע שטאטן פון אמעריקע אינעם 20סטן יארהונדערט און דער מנהל פון דער "עזרת תורה" ארגאניזאציע.

לעבנסגעשיכטע[רעדאַקטירן | רעדאַקטירן קוואַלטעקסט]

ער איז געבוירן געווארן אין קלימאוויטש, מאהליווער גובערניע, רוסלענדישע אימפעריע (היינט אין בעלארוס), צו זיין פאטער וואס איז געווען א ראש ישיבה. אין זיין יונגט איז ער געווארן באוואוסט ווי א וואונדערקינד. ביז זיין בר מצוה האט ער געלערנט אין קלימאוויטש, און אין דער נאענטער שטעטל קריטשאוו ביים שטאטס רב, דער חב"דסקער הרב יהודה לייב קריינדל, וואס איז שפעטער געווארן זיין שווער. נאכהער האט ער געלערנט איין יאר אין שטעטל קארעליץ. ביי דער עלטער פון 16, אין תרנ"ז (1897), איז ער געפארן אינעם שטעטל סלוצק און געווארן איינער פון דער ערשטער תלמידים אין דער סלוצקער ישיבה, וואס הרב איסר זלמן מעלצער האט אויפגעשטעלט יענע יאר מיט 14 תלמידים וואס זענען געקומען מיט אים פון דער סלאבאדקער ישיבה.

נאך זעקס יאר לערנען אין סלוצק, אין וועלכער צייט איז הרב הענקין געווארן באקאנט ווי איינער פון די עילויים אין דער ישיבה און איז געווארן א תלמיד מובהק‏ פון הרב איסר זלמן מעלצער, האט ער באקומען היתר הוראה פון פיר באקאנטע רבנים: זיין רבי הרב איסר זלמן מעלצער, דער רידב"ז דעמאלסטיגער סלוצקער רב, הרב ברוך בער לייבאוויץ וואס איז געווען רב אין דעם נאענטן שטעטל האלוסק, והרב יחיאל מיכל הלוי עפשטיין, דער 'ערוך השלחן'.