זאפט

פֿון װיקיפּעדיע
שפּרינג צו: נאַוויגאַציע, זוך

זאַפֿט איז א פליסיקייט וואס געפינט זיך נאטירלעך אין פרוכט] און גרינצייג. אויך רופט מען זאפט א פליסיקייט וואס אנטהאלט א נאטירלעכן זאפט אדער א פליסיקייט וואס קומט פון פלייש אדער פיש. מען טוט אפט פארשלינגן זאפט ווי א געטראנק, אדער מען ניצט אים צו געבן געשמאק אין עסנווארג.

א טייל פון די פרוכט וואס מען ניצט צו מאכן זאפט זענען עפל, מאראנץ, טאמאטע, אנאנאס, גרייפפרוכט, גוואווע, מאנגא, קאווענע, זשורעכלינע, וויינטרויבן, לימענע און גרינע לימענע.

אין דעם פאראייניגטן קעניגרייך מעג מען רופן זאפט, לויטן געזעץ, נאר צו ריינעם זאפט פון פרוכט אן קיין שום אנדער זאך נישט אריינגעמישט.

צוגרייטן[רעדאַקטירן | רעדאקטירן קוואַלטעקסט]

מען גרייט צו זאפט דורך קוועטשן אדער ווייקן די פרוכט אדער גרינצייג, אן צו הייצן. למשל, מאראנצן זאפט איז די פליסיקייט ארויסגעקוועטש פון מאראנצן, און טאמאטע זאפט איז די פליסיקייט וואס מען דרוקט פון די פרוכט פונעם פאמידאר פלאנץ. מען קען צוגרייטן זאפט אין שטוב מיט א האנט־ אדער עלעקטרישער זאפטמאכער. זאפט איז זייער פאפולער צו טרינקען אין דער פרי אויף פרישטיק.

וועבלינקען[רעדאַקטירן | רעדאקטירן קוואַלטעקסט]

Commons-logo.svg
וויקימעדיע קאמאנס האט מעדיע שייך צו: זאפט