דזשערבא

פֿון װיקיפּעדיע
קפיצה לניווט קפיצה לחיפוש

דזשערבאַ (אראביש: جربة) איז אן אינזל אינעם מיטלענדישן ים לעבן דעם בארטן פון צפון אפריקע, וואס געהערט צו טוניסיע. ער געפינט זיך אין גאבס איינגאס, אין דרום טייל פון לאנד. דזשערבא איז 26 ק"מ פון מזרח צו מערב או 27 ק"מ פון צפון ביז דרום, מיט א שטח פון 510 קמ"ר. אינעם אינזל וואוינען בערך 130,000 מענטשן (געשאצט 2006).

קלימאט און פֿלארע[רעדאַקטירן | רעדאקטירן קוואַלטעקסט]

דער וועטער אינעם אינזעל איז באקוועם. די דורכשניט טעמפעראטור אין זומער איז 25 גראד צעלזיוס, און אין ווינטער 15 גראד. די הויפט געוויקסן זענען ווייץ, גערשטן, וויינשטאקן, פייגן, מילגרוימען, איילבירטן, און טייטלען.

יידן אין דזשערבא[רעדאַקטירן | רעדאקטירן קוואַלטעקסט]

די יידישע קהילה פון דזשערבא איז איינע פון די אוראלטע קהילות אין דער וועלט. לויט דער לאקאלער טראדיציע זענען יידן כהנים אנגעקומען אין אינזל שוין אין די טעג פון שלמה המלך צוזאמען מיט פעניקישע מאטראסן און נאכן ערשטן חורבן, דערפאר ווערט דזשערבא גערופן די כהנים שטאָט.


די יידן פון דזשערבא האלטן זייער טראדיצאנעלער קולטור און זענען פעסט אין היטן תורה און מצוות. דזשערבא האט עטלעכע צוואנציג שולן און צוויי ישיבות, "אור תורה" און "רבי אברהם".