דוד לאו

פֿון װיקיפּעדיע
קפיצה לניווט קפיצה לחיפוש
הרב דוד לאַו
David Lau.jpg
געבורט 13 יאנואר 1966 (אלט 54)
כ"א טבת תשכ"ו
תל אביב-יפו, ישראל רעדאקטירן דעם פֿאקט ביי וויקידאטן
מדינה ישראל רעדאקטירן דעם פֿאקט ביי וויקידאטן
באלאנג ארטאדאקסישע יידנטום רעדאקטירן דעם פֿאקט ביי וויקידאטן
פאטער ישראל מאיר לאו רעדאקטירן דעם פֿאקט ביי וויקידאטן
8טער אשכנזישער הויפט רב אין ישראל
2013 – אמטירט
שותף לשלטון יצחק יוסף (ספרדישער רב)
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער OOjs UI icon info big.svg

הרב דוד ברוך לאַו (געב' כ"א טבת תשכ"ו, תל אביב) איז דער אשכנזישער הויפט רב פון ישראל. ער איז געווען דער ערשטער רב פון שוהם און נאכהער דער הויפט רב פון מודיעין. ער איז א זון פון הרב ישראל מאיר לאו, א פריערדיקער הויפט רב פון ישראל און היינט הויפט רב פון תל אביב.

ביאגראפיע[רעדאַקטירן | רעדאקטירן קוואַלטעקסט]

הרב דוד איז געבוירן געווארן אין תל אביב, כ"א טבת תשכ"ו, צו זיין פאטער הרב ישראל מאיר לאו און זיין מוטער רביצין חיה יוטא, א טאכטער פון הרב יצחק ידידיה פרענקל. מען האט אים גערופן דוד ברוך נאך זיין עלטער פעטער הרב דוד ברוך בראנד הי"ד, א ברודער פון רעבעצין פרענקל.

ער האט געלערנט אין יישוב החדש אין תל אביב און אין בית מתתיהו אין בני ברק, און אין דער פאניעוועזשער ישיבה.

ער האט געהייראט צפורה, די טאכטער פון הרב יצחק רלב"ג, א מיטגליד פונעם הויפט-ראבינאט ראט און אן אמאליגער פארזיצער פונעם ירושלימער רעליגיע-ראט, און זיין ווייב הדסה.

ער איז געווארן דער ערשטער רב פונעם יישוב שוהם. ווען מ'האט אויפגעשטעלט די שטאט מודיעין האט מען באשטימט הרב דוד דעם אשכנזישן הויפט רב.

ער האט רעדאקטירט די שו"ת "יחל ישראל" פון זיין פאטער, הרב ישראל מאיר לאו. אין תשס"ח האט ער ארויסגעגעבן זיין ספר "משכיל לדוד".‏[1]

י"ז אב תשע"ג האט מען אים געוויילט דעם אשכנזשישן הויפט רב פון ישראל, ביי די 47 יאר, דער יונגסטער צו ווערן געוויילט צו דעם אמט. ער האט געהאט דעם שטיץ פונעם פרעמיער מיניסטער, בנימין נתניהו, און פון די ש"ס און יהדות התורה פארטייען.


רעפערענצן[רעדאַקטירן | רעדאקטירן קוואַלטעקסט]

  1. יחל ישראל, מודיעין, תשס"ח, ביי HebrewBooks


פֿריערדיגער:
הרב יונה מעצגער
אשכנזישער הויפט רב פון ישראל
תשע"ג -
נאָכפֿאלגער:
היינטיגער