ברוך סאראצקין

פֿון װיקיפּעדיע
קפיצה לניווט קפיצה לחיפוש

הרב ברוך סאראצקין (י"ג שבט ה'תרע"ז - י"ג שבט ה'תשל"ט) איז געווען ראש ישיבה אין דער טעלזער ישיבה אין קליוולאנד. ער האט געהייראט רחל, טאכטער פון זיין שוועסטער קינד דער טעלזער רב און ראש ישיבה, הרב אברהם יצחק בלאך. זייער חתונה איז געווען די לעצטע חתונה אין טעלז.

ביאגראפיע[רעדאַקטירן | רעדאקטירן קוואַלטעקסט]

הרב ברוך איז געבוירן געווארן אין תרע״ז אין זשעטל, ליטע, איינער פון פינף זין און איין טאכטער פון הרב זלמן סאראצקין, לוצקער רב און מחבר פון "אזנים לתורה". ער האט געלערנט ביי רבי אלחנן וואסערמאן אין באראנאוויטש און ביי רבי ברוך בער לייבאוויץ אין קאמעניץ. דערנאך איז ער געגנגען לערנען אין טעלז. ביי דער צווייטער וועלט מלחמה איז ער אנטלאפן מיט זיין ווייב אויף דער טראנס-סיבירישער באן. זעקס חדשים האבן זיי געוואוינט אין קאבע, יאפאן, ביז די יאפאנעזער האבן זיי געשיקט איו שאנכיי. זיי האבן געהאלטן ביי פארן קיין אמעריקע אויף א שיף, אבער ס׳איז נאר געווען איין פלאץ. איז די רביצין רחל געפארן ביז זי איז ענדליך אנגעקומען אין באלטימאר צו איר שוועסטער קינד מרת שושנה גיפטער, די רביצין פון הרב מרדכי גיפטער.

הרב ברוך האט געארבעט פאר אגודת ישראל, חינוך עצמאי און תורה ומסורה, און איז געווען פון די יונגסטע מיטגלידער פון דער מועצת גדולי התורה.

ער איז נפטר געווארן שבת קודש י"ג שבט תשל"ט און מ'האט אים באערדיקט אין הר המנוחות.

משפחה[רעדאַקטירן | רעדאקטירן קוואַלטעקסט]

זיין טאכטער מרת שני הערצקא איז די דירעקטארין פון בית יעקב דרב מאיר אין לייקוואוד. איר צווילינג רבי אלי מאיר איז דער ראש ישיבה פון דער ספרינגפילד ישיבה אין ניו דזשערסי.

די טעלזער ישיבה[רעדאַקטירן | רעדאקטירן קוואַלטעקסט]

הרב אליעזר גארדאן האט געגרינדעט די ישיבה. נאך זיין פטירה איז זיין איידעם הרב יוסף לייב בלאך געווארן זיין ממלא מקום. ער האט געהאט דריי זין, הרב אברהם יצחק, זיין ממלא מקום, רבי זלמן (שווער פון רבי מרדכי גיפטער) און רבי אליהו מאיר.