קאמעניץ
- דער ארטיקל דיסקוטירט דאס ליטווישע שטעטל. טאמער זוכט איר דאס שטעטל קאמעניץ אין פאדאליע, זעט קאמעניץ, אוקראינע.
| ||||||||||||
.jpg)
קאמעניץ (בעלאַרוסיש: Камяне́ц, רוסיש: Ка́менец, פּויליש: Kamieniec) איז א שטעטל אין בריסקער וואבלאסט אין מערב בעלארוס, נעבן דער פוילישער גרענעץ, וואו עס האט עקזיסטירט ביזן חורבן א גרויסע אידישע קהילה.
קאמעניץ געפינט זיך אומגעפער 40 ק"מ צפון פון דער שטאט בריסק, און איז דער צענטער פונעם קאמעניץ דיסטריקט. אין 2009 איז איר באפעלקערונג געווען בערך 8,400 מענטשן. די ליאַסנאַיאַ טייך האקט איבער דאס שטעטל.
כנסת בית יצחק ישיבה[רעדאַקטירן | רעדאַקטירן קוואַלטעקסט]
די ישיבה כנסת בית יצחק, געגרינדעט אין סלאָבאדקע אין 1897, איז אין 1926 אריבער קיין קאמעניץ און איז געווארן באקאנט אלס די קאמעניצער ישיבה. די ישיבה איז אנגעגאנגען אין שטאט ביז 1939, ווען די שטאט איז איינגענומען געווארן דורך די סאוועטן. די קאמעניצער תקופה איז געווען די פרוכטבארסטע אין דער געשיכטע פון דער ישיבה, און עס איז אנגעפירט געווארן דורך רבי ברוך בער לייבאוויץ. אין די 1940ער יארן איז אין ירושלים געגרינדעט געווארן א קאמניצער ישיבה דורך רבי משה בערנשטיין און רבי יעקב משה ליבאביץ.