גאליציע
פֿון װיקיפּעדיע
גאליציע איז דער טייל פון פוילן וואס עסטרייך האט אנעקסירט ווען מען האט צעטיילט פוילן אין די יארן 1772. הײַנט איז אסט-גאליציע א טייל פֿון אוקראינע און וועסט-גאליציע איז צוריק אין פוילן, מיטן אלטן נאמען „קליין-פוילן". דער נאמען „גאליציע" שטאמט פֿונעם אלטן נאמען „האליץ". נאך ביזן הײַנטיגן טאג הייס די טעריטאריע „האליץ" אויף טשעכיש און אויף טערקיש.
אין גאליציע האבן געוואוינט אסאך גדולים תלמידי בעש"ט און איז געווען די מקור צו פילע גרויסע חסידות דינאסטיעס, ווי באבוב זידיטשוב א.ד.ג.
אויך דער שרייבער ש"י עגנון איז געבוירן אין בוטשאטש, גאליציע.
[באַאַרבעטן] היסטאריע
די אסט-סלאוון האבן באזעצט די טעריטאריע שוין אין אנהייב פֿונעם מיטל-עלטער; אין דעם 12טן יארהונדערט האט מען אויפֿגעשטעלט דאס פֿירשנטום (פרינציפאליטעט) פֿון האליטש. שפעטער איז עס געווארן פֿאראייניקט מיט וואהלין. אין יאר 1352 (ה' קי"ב) איז די טעריטאריע געווארן צעטיילט צווישן דעם פוילישן קעניגרייך און דער גרויסער הערצאגשאפֿט פֿון ליטא; דעם גרעסערן טייל האט פוילן גענומען. אין 1772 (ה' תקל"ב) איז צעטיילט געווארן די פויליש-ליטווישע קאמאנוועלט און עסטרייך האט צוגענומען גאליציע, וואס איז דעמאלסט געווארן די פראווינץ פֿון עסטרייך מיט דער גרעסטער באפֿעלקערונג ביזן סוף פֿונעם ערשטן וועלטקריג.
אין 1918 (ה' תרע"ח) איז גאליציע געווארן א טייל פֿון דער נײַער זעלבשטענדיגער רעפובליק פֿון פוילן. ווען פוילן איז געווארן צעטיילט אין 1941 (ה' תש"א) האט רוסלאנד גענומען אסט-גאליציע און דייטשלאנד האט גענומען וועסט-גאליציע. נאכן צוויטן וועלטקריג איז אסט-גאליציע געגאנגען צום נײַעם לאנד אוקראינע און וועסט-גאליציע צו פוילן.
[באַאַרבעטן] שטעט און שטעטלעך אין גאליציע
