ניר בארקאט

ניר בארקאט

ניר באַרקאַט (עברית: ניר ברקת, געבוירן אין תל אביב י"ז תשרי ה'תש"ך, 19טן אקטאבער 1959) איז דער בירגערמייסטער פון ירושלים און דער פארזיצער פון דער פארטיי "ירושלים וועט באווייזן".

ביאגראפיע

ניר ברקת

בארקאט איז געבוירן געווארן צו זיינע עלטערן זלמן און שולמית - שולה.

ער האט אן ערשטן דיפלאם אין קאמפיוטער וויסנשאפט.

אין יאנואר 2003 ביי די וואלן איז ער געווען א קאנדידאט צו ווערן דער ירושלימער בירגערמייסטער. אבער צום סוף איז ער אומגעפאלן מיט 43% פון די שטימען און אורי לופאליאנסקי איז געווארן דער בירגערמייסטער.

אין די לעצטע יארן האט ניר אויפגעשטעלט די געזעלשאפט "סטארטאפ ירושלים" וואס איר צוועק איז צו העלפן שאפן מער ארבעט פלעצער אין דער שטאט און צום בליאונג פון דער עקאנאמיע.

אינעם יאר 2008, ביי די וואלן פון בירגערמייסטערשאפט אין דער ירושלימער מוניציפאליטעט, איז ער אויסגעקליבן געווארן ווי דער בירגערמײַסטער. ער האט קאנדידירט קעגן מאיר פרוש, ארקאדי גיידאמאק און דן ביראן, און האט געווינען מיט א מערהייט פון 19,347 שטימען.

אין אקטאבער 2013 האט מען אים געוויילט פאר א צווייטן קאדענץ אלס בירגערמייסטער, קעגן משה ליאן און חיים עפשטיין.

משפחה

ער מיט זיין ווייב בעווערלי סאקאלאווסקי האבן דריי קינדער, דניאל, נועם און עמית.