שמעון סופר
 | |
| געבורט |
13 דעצעמבער 1820 בראטיסלאווא, עסטרייכער אימפעריע  |
|---|---|
| טויט |
26 מערץ 1883 (אלט 62) קראקע, עסטרייך אונגארישע אימפעריע |
| מדינה |
ציסלייטאניע |
| פאך |
רב, פאליטיקער |
  | |
- דער ארטיקל דיסקוטירט דעם קראקעווער רב. טאמער זוכט איר דעם ערלויער רב, זעט שמעון סופר אבד"ק ערלוי.
הרב שמעון סופר (י"ג טבת ה'תקפ"א - י"ז אדר ב' ה'תרמ"ג), רב אין מאטערסדארף און קראקא. באקאנט אלס דער מכתב סופר. הרב שמעון איז געווען א זון פונעם חתם סופר און איינער פון די גרעסטע רבנים אין דער עסטרייכער אימפעריע אין דעם צווייטן העלפט פונעם 19טן יארהונדערט.
אפשטאם
[רעדאַקטירן | רעדאַקטירן קוואַלטעקסט]רבי שמעון איז געבוירן אין פרעשבורג י"ג טבת ה'תקפ"א, צו זיין פאטער הרב משה סופר דער חתם סופר און צו זיין מוטער מרת שרל א טאכטער פון הרב עקיבא אייגער, רב אין פוזנא.
ביי די זיבעצן יאר האט ער געהייראט מרת מרים, א טאכטער פונעם גביר ר' דוב בער שטערנבערג פון קראלי.[1] נאך דער חתונה האט ער געוואוינט נאענט צו זיין פאטער אין פרעשבורג. אין תר"א, נאך זיין פאטערס פטירה, האט ער זיך געצויגן קיין קראלי, וואו ער האט געוואוינט צוויי יאר.
רבנות
[רעדאַקטירן | רעדאַקטירן קוואַלטעקסט]אין תר"ב איז ער געווארן רב אין מאטערסדארף, און אין תר"ך האט מען אים גערופן צו ווערן רב און אב"ד אין קראקע,[1] און ער האט געדינט אין דעם אמט 22 יאר ביז זיין פטירה.
אין תרל"ט איז ער געוועלט געווארן צו זיצן אין פארלאמענט אין וויען. ער איז געווען איינער פון די פירער פון דער "מחזיקי הדת" קהילה אין גאליציע.
הסתלקות
[רעדאַקטירן | רעדאַקטירן קוואַלטעקסט]רבי שמעון איז נפטר געווארן י"ז אדר ב' ה'תרמ"ג.[2]
פאמיליע
[רעדאַקטירן | רעדאַקטירן קוואַלטעקסט]רבי שמעון און זיין ווייב מרת מרים האבן געהאט די קינדער:
- הרב עקיבא סופר (ה'תקצ"ט - ה'תרס"ב). ער האט געהייראט מרת לאה א טאכטער פון הרב חיים וואלף סג"ל לעווי, פון אפטא.
- הרב ישראל דוד שמחה בונם סופר (ה'תר"ו - ז' אדר ה'תרנ"ט).[3] ער האט געהייראט מרת לאה גרינא א טאכטער פון הרב זושא אורלך פון זעליסטשיק - קראקא.
- הרב שלמה אלכסנדרי סופר (כ"ח תשרי ה'תרי"ז - כ"ה ניסן ה'תרפ"ד). ער האט געהייראט מרת הינדא א טאכטער פון הרב משה וואקס, פון סערעט.
- די ווייב פון הרב יוסף נפתלי שטערן, ראש ישיבה פון דער פרעשבורגער ישיבה אין ירושלים
- הרב אשר סופר (ה'תרי"א - ה'תרס"ג). ער האט געהייראט מרת לאה מרים א טאכטער פון הרב הנגיד צבי מאגעזאניק פון בארדיטשאוו.
- מרת רייזל ( - י"ז טבת ה'תרמ"ב), די ווייב פון איר שוועסטער־קינד הרב עקיבא קארניצער, אב"ד קראקע.
- הרב יוסף נחמיה קארניצער, אב"ד קראקע
זיינע ספרים
[רעדאַקטירן | רעדאַקטירן קוואַלטעקסט]- מכתב סופר
רעפערענצן
[רעדאַקטירן | רעדאַקטירן קוואַלטעקסט]- ↑ a b חוט המשולש, ביי HebrewBooks
- ↑ "שמעון סופר" באנציקלופדיה דעת
- ↑ שמואל גלאז, קינת סופרים - הספד על ר' ישראל דוד שמחה, זאלעשטשיקי, ביי HebrewBooks
- ↑ הרב יואל סופר