שמואל אהרן דייטש

פֿון װיקיפּעדיע

רבי שמואל אהרן דייטש (ה'תרמ"ב - ה'תש"ד) איז געווען דער משמש און פערזענליכער שוחט ביי רבי ישעיה שטיינער פון קערעסטיר און דערנאך אין מישקאלץ. ער איז אוועק ביים קריג.

החסיד רבי שמואל אהרן דייטש הי"ד שו"ב אצל אצל רבי ישעילע מקערסטיר
החסיד רבי שמואל אהרן דייטש הי"ד שו"ב אצל אצל רבי ישעיה׳לע קערעסטירער

קינדער יארן[רעדאַקטירן | רעדאַקטירן קוואַלטעקסט]

החסיד רבי שמואל אהרן איז געבוירן אומגעפער אין יאר ה'תרמ"ב צו זיין טאטע החסיד רבי יעקב חיים שו"ב אין לאצא נעבן אוהעל, און צו זיין מאמע שיינדל. ער האט חתונה געהאט האט ער מיט מרת רחל מלכה א טאכטער פון החסיד רבי שלום יוסף וויינבערגער שו"ב אין מונקאטש, די חתונה איז פארגעקומען אין מונקאטש בדר"ח אלול יאר ה'תרס"ב, נאך די חתונה האט ער געוואוינט אין מונקאטש דארט האט ער זיך געלערנט שחיטה, און ער איז גאר נאנט געווארן מיט רבי צבי הירש שפירא רב פון מונקאטש בעל דרכי תשובה,

אין יאר ה'תרס"ו בערך איז רבי שמואל אהרן געווארן אויפגענומען אלץ שוחט אין סאבראנץ וואס איז געווען א קוהר ארט,

אין סאבראנץ איז ער געווען שוחט פאר בערך פינעף יאר, דערנאך איז ער געווארן אויפגענומען אלץ שוחט אין קערעסטיר ביי רבי ישעיה שטיינער פון קערעסטיר, און דארט איז ער גאר נאנט געווארן מיט רבי ישעילע און ער איז געווען זיין רעכטע האנט, רבי שמואל אהרן'ס קינדער זענען געווען ווי קינדער ביי רבי ישעיה׳לע,

פאר אכצען יאר האט ער געדינט אלס שוחט אין קערעסטיר, און נאך די פטירה פון רבי אברהם שטיינער פון קערעסטיר דער זוהן פון רבי ישעילע איז ער געווארן אויפגענומען געווארן אלס שוחט אין די ספרדישע קהילה אין מישקאלץ אין שפיץ פון הגאון המפורסם רבי חיים מרדכי יעקב גאטליב דער יגל יעקב,

אנדערע גרעסערע קהילות האבן אים עטליכע מאל געבעטען צו דינען אלס זייער שוחט, און רבי שמואל אהרן איז זיך געגאנגען דורכרעדן מיט רבי ישעילע, רבי ישעילע האט זיך ארויסגעדריקט אז "קערעסטיר", איז קערעסטיר נאר ווי לאנג ער (רבי ישעילע) לעבט, און טאקע אביסל שפעטער נאך וואס רבי ישעילע איז אוועק איז די מישקאלצער קהילה געקומען בעהטן רבי שמואל אהרן צו ווערן זייער שוחט, און דעמאלטס האט ער עס אנגענומען. אין מישקאלץ האט ער געדינט ביזן קריג.

משפחה[רעדאַקטירן | רעדאַקטירן קוואַלטעקסט]

זיינע קינדער פון מרת רחל מלכה זענען:

קינדער מיט זיין צווייטע ווייב

ספרים[רעדאַקטירן | רעדאַקטירן קוואַלטעקסט]

ספר שם אהרן להחסיד רבי שמואל אהרן דייטש הי"ד שו"ב אצל רבי ישעילע מקערסטיר
ספר שם אהרן להחסיד רבי שמואל אהרן דייטש הי"ד שו"ב אצל רבי ישעילע מקערסטיר

זיינע רבי'ס[רעדאַקטירן | רעדאַקטירן קוואַלטעקסט]

געלערנט האט רבי שמואל אהרן אין די ישיבה פון רבי שמואל בראך אין נירמאדע, דערנאך איז ער אריין אין דער ישיבה פון רבי חנניה יום טוב ליפא טייטלבוים פון סיגוט דער קדושת יום טוב, אזוי אויך האט ער אסאך מקבל געווען פון רבי צבי הירש שפירא דער דרכי תשובה פון מונקאטש.

וועבלינקען[רעדאַקטירן | רעדאַקטירן קוואַלטעקסט]