שאול יחזקאל גרינפעלד
|
דער אַרטיקל איז אַ יתום, ווייל ווייניק אָדער קיין אַרטיקלען פאַרבינדן צו אים. זייט אַזוי גוט שאַפט לינקען צו דעם בלאַט פון אַרטיקלען וואָס האָבן אַ שייכות; ס׳איז פאַראַן פאָרשלאָגן. |
רבי שאול יחזקאל גרינפֿעלד (רבי שאול ליטשיקער; תקנ"ד – י"ד אדר תר"ט) איז געבוירן געווארן אין יאר תקנ"ד אין דער שטאט אוהעל צו זיין פאטער הגאון רבי אברהם שלמה "זאלי" גרינפעלד וואס איז געווען א דומ"ץ אין אוהעל אין דער צייט פון רבי משה טייטלבוים, דעם ״ישמח משה", און צו זיין מאמע שרה ליפשא, די טאכטער פון רבי יהושע העשיל, א זון פון רבי בנימין זאב, א זון פון רבי יהודא לייב, א זון פון רבי ר' העשיל פון קראקע.
רבי שאול איז געווען א תלמיד מובהק פונעם ישמח משה וואס האט אים זייער מחבב געווען אלס זיין גדלות בתורה.[1] אויך איז ער געווען א תלמיד פונעם חתם סופר, וואס שרייבט אויף אים "תלמידי החרוץ המופלא מו"ה שואל נ"י".
ר' שאול איז אוועק פורים י"ד אדר תר"ט און איז באהאלטן געווארן אין מיהאלעוויץ.
רב שאול איז אויכעט געווען גרויס אין תורת הנסתר.
רבי שאול איז געפארן צו די צדיקי הדור, צום עטרת צבי פון זידיטשויב און צו רבי ר' אשר'ל ראפשיצער, ביים רבי ר' אשר איז געווען באקאנט בי די חבריה אז רב שאול איז געווען זייער באליבט ביי זיין רבי.
אין יאר תרל"א האט זיין אייניקל ר' משה ז"ל ארויסגעגעבן א קליין חלק פון זיינע חידושים אינעם ספר "מגן שאול", אין יאר תרצ"ז איז געדרוקט געווארן זיין ספר "מגן שאול" מיט הוספות דורך זיין אור אייניקעל ר' יצחק אייזיק גרינפעלד הי"ד, אבער במשך דיא יארן זענען רוב פון זיינע חידושים ליידער פארלוירן געגאנגען.
אין יאר תשס"ה איז געדרוקט געווארן דאס ספר "מגן בית שאול", תולדות פונעם מגן שאול און זיינע קינדער, דורך הרב דוד לייב גרינפעלד דער מייסד ויושב ראש פון דער וועד משמרת סת"ם, די דאזיגע ארבעט איז ארויס צום צווייטן מאל אין יאר תשע"ו מיט דעם נאמען ״קורות חיי המגן שאול״.
משפחה
[רעדאַקטירן | רעדאַקטירן קוואַלטעקסט]ער האט חתונה געהאט מיט מלכה, א טאכטער פון רבי צבי הירש זאוועטקער. זייערע קינדער:
- יצחק גרינפעלד (ער איז יונגערהייט אוועק כ"ה שבט תרי"א)
- מאיר יעקב גרינפעלד (ער איז אוועק כ' אדר ראשון תרנ"ד)
- נח גרינפעלד
בזיווג שני האט ער חתונה געהאט מיט רייזל שפירא. זייער קינד:
- משה שפירא (ער אייז אוועק שנת תרס"ט)
רבי שאול האט געהאט א ברודער ר' משה וועלכע איז ליידער יונגערהייט אוועק, ער מיט זיין בני בית האשה מרת קלעריל ע"ה האבען איבער געלאזט א בן יחיד רבי יהושע העשיל גרינפעלד, רב שאול האט מגדל געווען זיין פלומעניק ווי אן אייגענע קינד, רב יהושע העשיל האט מאריך ימים געווען ער איז אוועק כ"ח סיון תרנ"ו (אלט זייענדיג אכט און אכציג יאהר).
זיינע ספרים
[רעדאַקטירן | רעדאַקטירן קוואַלטעקסט]
זעט אויך
[רעדאַקטירן | רעדאַקטירן קוואַלטעקסט]רעפערענצן
[רעדאַקטירן | רעדאַקטירן קוואַלטעקסט]- ↑ ער שרייבט אויף אים: "לידע ולהודיע ולהודע שה"ה תלמידי הרבני המופלג בתורה וביראה החרוץ ושנון הבקי בגמ' ופוסקים מו"ה שאול יחזקאל נ"י לולי שגדרתי בעדי שלא ליתן הורמנא לשום אדם לדון ולהורות ולא אוכל לצאת מגדרי הייתי נותן לו בודאי הורמנא כי ידעתי כי הוא למדן מובהק ומופלג באמת ובעל שכל צח ומתמיד גדול ושוקד תמיד על התורה ועל העבודה הוגה בתורת ה' יומם ולילה בגמ' ופוסקים והוא בעל ישוב הדעת מתון ומסיק ואיש אשר כל אלה לו ודאי ראוי להוראה והגיע להוראה...".