פאראמאריבא

פֿון װיקיפּעדיע
שפּרינג צו: נאַוויגאַציע, זוכן
פּאַראַמאַריבאָ (שטאָט)
Paramaribo
Paramaribo, Fort Zeelandia.JPG
הויף אין פֿארט זילאַנדיע
מדינה / טעריטאריע Flag of Suriname.svg סורינאם
גרינדונג דאטע אנהייב 17טן יארהונדערט
קאארדינאטן 5°49′25″N 55°10′11″W / 5.82361, -55.16972קאארדינאטן: 5°49′25″N 55°10′11″W / 5.82361, -55.16972
דיסטריקט פאראמאריבא דיסטריקט
שטח 183 קוואדראט ק"מ
באפעלקערונג (2004)

 ‑ אין שטאָט

242,946‏
צייט זאנע UTC-3

פּאַראַמאַריבאָ (האלענדיש: Paramaribo) איז די הויפטשטאט און גרעסטע שטאט פון סורינאם און פון פאראמאריבא דיסטריקט. אין 2004 איז זיין באפעלקערונג געווען 242,946 מענטשן, א מערהייט פון דער באפעלקערונג פונעם גאנצן לאנד. אין 2002 האט אונעסקא פראקלאמירט דעם היסטארישן צענטער פון דער שטאט א וועלט ירושה ארט, צוליב די קאלאניאלישע געביידעס פון די 17טן און 18טן יארהאונדערטער וואס מוסטערן דעם ארכיטעקטישן סטיל געשאפן פון אן אויסמישונג פון אייראפעאישע און לאקאלע מאטיוון.

נווה שלום שול, פאראמאריבא

געאגראפיע[באַאַרבעטן | רעדאקטירן מקור]

פּאַראַמאַריבאָ ליגט אין צפון סורינאם, אויפן מערב ברעג פון דעם סורינאם טייך, בערך 15 ק"מ ווייט פונעם אטלאנטישן אקעאן. דער צענטער פון דער שטאט איז אויסגעשרייט אנדערט האלב קילאמעטער אויפן מערב ברעג פונעם טייך וואס גרענעצט די שטאט פון דרום, און די שטאט האט דעם פארעם פון א דרייעק וואס זיין שפיץ ווייזט אויף צפון.

די גאסן פון דער שטאט זענען אויסגעלייגט אויף א געפלעכט סיסטעם (שתי וערב). עטלעכע קאנאלן גייען אדורך דער שטאט און פליסן אין טייך אריין. דרום פונעם צענטער פון דער שטאט גייט אן איינצעלנע בריק אריבער דעם טייך צום מזרח ברעג.