סימאן באליוואר

פֿון װיקיפּעדיע
שפּרינג צו: נאַוויגאַציע, זוך
סימאן באליוואר

סימאן באליוואַר (שפאניש: Simón Bolívar‏; 24סטן יולי 1783 - 17טן דעצעמבער 1830) איז געווען א ווענעזועלישער מיליטארישער און פאליטישער פירער.

ער איז געבוירן געווארן אין קאראקאס, ווענעזועלע. ער האט באפרייט אסאך לענדער אין דרום אמעריקע, ווי למשל ווענעזועלע, קאלאמביע, עקוואדאר, פערו און באליוויע, פון שפאניע. ער איז געווען דער פרעזידענט פון גראן קאלאמביע, א לאנד וואס האט זיך שפעטער צעטיילט אויף קאלאמביע, ווענעזועלע, עקוואדאר און פאנאמא.

דער נאמען פון באליוויע איז לכבוד באליוואר.

רעוואלוציע אין לאטיין אמעריקע[רעדאַקטירן | רעדאקטירן מקור]

שפאניע האט געהערעשט אין דרום אמעריקע דורך גובערנאטארן. אין 1808, האט נאפאלעאן איינגענומען שפאניע און האט איינגעשטעלט זיין ברודער, יאזעף באנאפארטע דעם נייעם מלך. די קאלאניעס אין לאטיין אמעריקע האבן רעבעלירט מיט דער טענה אז זיי זענען געטריי צום אלטן קעניג, שארל דער פערטער פון שפאניע און נישט צו נאפאלעאן.

באליוואר האט געפירט א קאלאמבישע ארמיי און אין 1814 האט ער איינגענומען באגאטא.

דעם 6טן סעפטעמבער 1815 האט סימאן באליוואר געשריבן א בריוו פון דזשאמייקע וואו ער האט ערקלערט פארוואס גאנץ דרום אמעריקע זאל זיין אומאפהענגיק פון שפאניע. אום 26סטן מיי 1819 האט באליוואר צוזאמענגענומען א גרופע פארטיזאנער וואס האבן געוואלט באזיגן די שפאנישע מיליטער. אום 7טן אויגוסט האבן זיי געקעמפט קעגן די מאנארכיסטן און האבן איינגענומען באיאקא, קאלאמביע. אין יוני 1821 האבן זיי איינגענומען קאראקאס, און א פאר טעג נאכהער גאנץ ווענעזועלע. דערנאך האט באליוואר געקערט צו דרום און האט איינגענומען קיטא.

אין 1819 האט ער פראקלאמירט די אומאפהענגיקייט פון דער רעפובליק פון גרויס-קאלאמביע, א לאנד וואס שליסט איין די היינטיקע לענדער פון עקוואדאר, קאלאמביע, ווענעזועלע און פאנאמא. דעם 17טן דעצעמבער 1819 איז ער געווארן איר ערשטער פרעזידענט.

דעם 27סטן יולי 1822 האבן סימאן באליוואר און חאסע דע סאן מארטין געטראפן ביי גאיאקיל.


וועבלינקען[רעדאַקטירן | רעדאקטירן מקור]

Commons-logo.svg
וויקימעדיע קאמאנס האט מעדיע שייך צו: סימאן באליוואר