גרויס-קאלאמביע

גרויס־קאלאמביע (שפאניש: "Gran Colombia"), אפיציעל די רעפובליק פון קאלאמביע, איז געווען א רעפובליק וואס האט זיך אויסגעהאטלן א קורצע צייט צווישן די יארן 1819 - 1830 אין דרום אמעריקע, און איז צוזאמגעשטעטלט געווארן פון די שטחים וואס זענן היינט די לענדער קאלאמביע, ווענעזועלע, עקוואדאר און פאנאמא. איידער זי איז געווארן זעלבשטענדיק איז דאס לאנד געווען א טייל פונעם וויצע-קעניגרייך פון ניי-גרענאדע.

נאמען

דער אפיציעלער נאמען פון דער רעפובליק איז געווען די "רעפובליק פון קאלאמביע" (שפאניש: República de Colombia) אן דעם צוגאב ״גרויס״. אבער שפעטער האבן די היסטאריקער צוגעגעבן דאס ווארט ״גרויס״ צום נאמען כדי אפצושיידן פון דער היינטיקער רעפובליק פון קאלאמביע.

דער נאמען "קאלאמביע" שטאמט פונעם נאמען פונעם אויספארשטער קריסטאפער קאלאמבוס.

דער דרום ־אמעריקאנער באפרייער סימאן באליוואר און אנדערע רעוואלוצאנערן פון דער "ערשטער רעפובליק פון ווענעזועלע" האבן געניצט דעם נאמען צו באצייכענען גאנץ שפאנישע אמעריקע ביז דער פראקלאמאציע פון אומאפהענגיקייט אין  1819.

צעפאל פון דער רעפובליק

די רעפובליק איז צעפאלן ענדלעך אין 1830. נאכן צעפאל זענען געשאפן געווארן די פאלגנדע געגנטן:

• 
  קאלאמביע
• 
  עקוואדאר
• 
  ווענעזועלע
• 
  פאנאמא