נפתלי האלבערשטאם (קשאנאוו)

רבי נפתלי האלבערשטאם זצ"ל (ה'תר"י - כ"ט תמוז ה'תרפ"ג), רב אין קשאנאוו

אפשטאם

רבי נפתלי איז געבוירן אין יאר ה'תר"י (אומגעפער), צו זיין פאטער הרב דוד האלבערשטאם, דער קשאנאווער רב, א זון פון הרב חיים האלבערשטאם דער דברי חיים. און צו זיין מוטער מרת לאה זיסל צינץ, זי איז געווען אן אייניקל פון יד הקטנה. רבי נפתלי האט געגעסען קעסט ביים זיידען דער דברי חיים.

רבנות

אין יאר ה'תרנ"ג נאך די פטירה פון רבי נפתלי'ס פאטער, רבי דוד'ל קשאנאווער, האט זיך געשאפן אן ערנסטע פארמעסט איבער דעם רבנות אין קשאנאוו. לויט אנווייזינגן פון פאטער האט מען אויפגענומן רבי נפתלי אלס רב, די צאנזער חסידים אין שטאט האבען געהאלטן מיט רבי נפתלי, אויך זיין פעטער הרב יחזקאל שרגא האלבערשטאם דער שינאווער רב האט געהאלטען מיט רבי נפתלי, שטארק לויבענדיג אים, אלץ א פארצייטישער בעל הוראה וואס איז פעהאיג צו זיין רב אין סיי וועלכע גרויסע יידישע שטאט. דאגעגען האט געקאנדעדירט הרב יוסף אלימלך האלבערשטאם, א זון פון הרב משה האלבערשטאם, רבי נפתלי'ס א ברידער, די ראדאמסקער חסידים האבען געהאלטען מיט רבי יוסף אלימלך, אזוי אויך די רעגירונג'ס לייט. אין ענדע זענען ביידע געווען רב אין ביידע האבען געקריגען געהאלט. אין יאר ה'תרס"ז נאך די פטירה פון רבי יוסף אלימלך איז רבי נפתלי געווען אליין רב.

הסתלקות

רבי נפתלי איז נפטר געווארן כ"ט תמוז ה'תרפ"ג.

פאמיליע

רבי נפתלי האט געהייראט בזיווג ראשון א טאכטער פון הרב אברהם יהושע העשיל קאצנעלנבויגען רב אין טלוסט.

בזיווג שני האט רבי נפתלי געהייראט א טאכטער פון הרב משה האגער פון ראדאוויץ. זיינע קינדער:

• הרב מנחם מענדל האלבערשטאם הי"ד (ה'תר"ם - י"ג אדר א' ה'תש"ג), דער לעצטער רב אין קשאנאוו. זיינע קינדער:
  • מרת גיטל הי"ד, די ווייב פון הרב מרדכי (מוטל) זילבער, דער קראקאווער עילוי, הי"ד.
  • נפתלי האלבערשטאם הי"ד.
  • מרת רבקה די ווייב פון רבי בנימין שאכנער פון ניו יארק.
  • מרת חנה די ווייב פון רבי יהודה ריינער פון ניו יארק.
  • מרת רחל די ווייב פון רבי שמעון שפירא פון ניו יארק.
  • מרת מרים די ווייב פון רבי משה יוסף ביללעט פון ניו יארק.
  • די ווייב פון רבי קאליקשטיין פון ניו יארק.
• הרב דוד האלבערשטאם פון ריישא, ער האט געהייראט מרת רחל חנה א טאכטער פון הרב יצחק טייטלבוים או אייניקל פון ייטב לב, (פון זייערע קינדער איז מרת לאה די פרוי פון ר' אברהם אליעזר וואהל, די עלטערן פון ר' דוד וואהל סגן ראש הקהל פון דער מחזיקי הדת קהילה אין אנטווערפן)
• מרת לאה, די ווייב פון הרב חיים בן-ציון האלבערשטאם פון קראקא א זון פון הרב שלום האלבערשטאם, רב אין ניסקא
• מרת רייזל, די ווייב פון הרב יוסף קאנער.
• מרת חיה, די ווייב פון הרב חיים יעקב יוסף ראזענפעלד, א זון פון הרב שלום ראזענפעלד (דער צווייטער), רב אין קאמינקא.
• מרת מרים, די ווייב פון הרב שמחה תאומים-פרענקל רב אין סקאווין.
• מרת איטה הי"ד ( - י' אב ה'תש"ד), בזיווג ראשון די ווייב פון הרב יקותיאל יהודה טייטלבוים רב אין לאפאש נאכהער אין בראנקס, א זון פון הרב משה דוד טייטלבוים רב אין לאפאש. בזיווג שני די ווייב פון הרב שמואל שמעלקא עזריאל תאומים-פרענקל (ה'תרכ"ז - כ"ב חשוון ה'תרצ"ד), רב אין קלאסנא-וויעליטשקא. בזיווג שלישי די ווייב פון הרב שמחה תאומים-פרענקל (נאך די פטירה פון איר שוועסטער זיין ערשטע ווייב).

רעפערענצן

• י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
• אנציקלופדיה לחכמי גליציה, מאיר וונדר