נחום מגיד

פֿון װיקיפּעדיע
קפיצה לניווט קפיצה לחיפוש

רבי נחום קאַפּלין באקאנט ווי: רבי נחום מַגיד אָדער דער ווארשעווער מגיד (תקצ"ד, 1834 - י"ט אדר תרע"ג, 1913[1]) איז געווען א מגיד אין ווארשע, און אין זיינע לעצטע יאָרן אין ירושלים . ער איז געווען א שוואגער פונעם חפץ חיים.

לעבנסגעשיכטע[רעדאַקטירן | רעדאקטירן קוואַלטעקסט]

ער איז געווען א זון פון משה אַהרן גראָסבאַרד און בלומא הענא פון שאַוול. ער האָט חתונה געהאַט מיט רייזא, א טאָכטער פון שמעון עפּשטיין, שטיף־פאטער, און שווער פון רבי ישראל מאיר הכהן פון ראדין - דער חפץ חיים.‏[2]

ער האט געוואוינט אין לידאַ און געדינט ווי אַ מגיד שיעור אין דער היגער ישיבה. דערנאך איז ער געווארן אַ מגיד אין ווארשע און איז דעריבער גערופן דער "ווארשעווער מגיד". אין סוף פון זיין לעבן איז ער ארויף קיין ירושלים. ער איז געפארן אין ארץ ישראל אַליין, און פֿאַר עטלעכע חדשים זייַנען זיין פרוי און קינדער געבליבן ביים חפץ חיים אין ראדין ביז זיי זענען נאכגעפארן. ער האט געוואוינט אין דער אַלטשטאָט און געדינט ווי אַ מגיד אין דער "בית יעקב" שול אין דער חורבה פון רבי יהודה החסיד.

ער איז נפטר געווארן אין תרע״ג און איז באערדיגט געווארן אין הר הזיתים אין ירושלים.

משפחה[רעדאַקטירן | רעדאקטירן קוואַלטעקסט]

זיינע קינדער זענען

  • הרב זלמן קאַפּלין (נפ׳ תרצ״ז) - רב אין טשיזאוו און דיין אין זאַמבראָווע; זיין אייניקל איז נחום קאַפּלין פון די בויער פון קיסריה,
  • הרב נח קאַפּלין (ר׳ נח מגיד)
  • הרב משה אהרן פינחס קאפלין - דער זיידע פונעם דיין, רבי כתריאל דוד קאַפּלין פון לאָנדאָן.
  • גיטל, די טאָכטער פון רבי נחום מגיד, האָט חתונה געהאַט מיט אברהם בלומענפעלד, אן אייניקל פון ישראל בעק און איינער פון די גרינדער פונעם אַחוה פאַרבאַנד אין ירושלים. אן אייניקל פון אברהם און גיטל בלומענפעלד איז דער כנסת דעפוטאט אליעזר גרנות. נאך אן אייניקל איז נחום גרנות, אַ וואַסער אינזשעניר, איינער פון די גרינדער פון דעם ייִשובֿ סביון.
  • סימא נחמה עפשטיין

זיינע ספרים[רעדאַקטירן | רעדאקטירן קוואַלטעקסט]

הערות[רעדאַקטירן | רעדאקטירן קוואַלטעקסט]

  1. אויף זיין באנייטער מצבה שטייט אז ער איז נפטר געווארן אין תרע"ו.
  2. דער חפץ חיים האט חתונה געהאט מיט זיין שטיפֿשוועסטער פֿריידא, טאכטער פון שמעון עפשטיין וואס האט געהייראט דעם חפץ חיים׳ס מוטער, דאברושא, נאך ווען זי איז געווארן אן אלמנה פון זיין פאטער אריה זאב.