מנחם נחום טווערסקי פון בריסק

פֿון װיקיפּעדיע
קפיצה לניווט קפיצה לחיפוש

הרה"ק רבי מנחם נחום טווערסקי (כ"ב סיון ה'תקפ"ט - ד' שבט ה'תרמ"ז) איז געווען דער אדמו"ר מטריסק-בריסק.

יונגע יארן[רעדאַקטירן | רעדאקטירן קוואַלטעקסט]

רבי מנחם נחום איז געבוירן כ"ב סיון תקפ"ט[1] צו זיין פאטער רבי אברהם טווערסקי, דער טריסקער מגיד, און זיין מוטער ריקל, א טאכטער פון רבי יעקב אריה פון קאוולע. י"ג סיון תר"ז האט ער חתונה געהאט מיט הרבנית הצדיקת חיה ע"ה די טאכטער פון הרה"ק רבי דוד'ל טאלנער זי"ע.

רעביסטעווע[רעדאַקטירן | רעדאקטירן קוואַלטעקסט]

זיין הייליגער טאטע האט אים מסמיך געווען צו פירן בחייו, אמאל פלעגט זיין הייליגער טאטע שיקן צו אים שווערע "הזכרות" און ס'איז געווען באוואוסט אז טאמער מ'איז געשיקט געווארן צו אים איז מען א געהאלפנער!

דרייצן יאר האט ער געווארט פון זיין חתונה ביז זיין בכור הרה"ק רבי מרדכי זוסיא זי"ע דער טריסקער רבי (אין הוצעלעס און דערנאך אין יאס, רומעניע) איז געבארין אין טאלנא, און 13 יאר שפעטער איז אים געבארן זיין צווייטער זון הרה"ק רבי משה יהודה לייב זי"ע דער חעלמ'ער רבי בעמח"ס אמרי מ"י. דער לעצטער איז נסתלק כ' תמוז תרצ"ז, און ער ליגט אין שטאט קעלץ, פוילן אין דעם אוהל פון זיין פעטער הרה"ק רבי מאטאלע קאזמירער זי"ע.

אלץ א גזירה פון די מלכות הרשעה אין רוסלאנד האט ער מיט זיין הייליגן ברודער הרה"ק רבי מאָטעלע קאָזמירער זי"ע געמוזט אוועקפארן פון טריסק בערך אין יאר תרמ"ה. ער האט זיך באזעצט אין דער שטאט סלאוויטא, און דערנאך אין קאטעלנע (א קליין דארף לעבן בריסק דליטא).

ער איז נסתלק געווארן ד' שבט תרמ"ז. ס'איז פארהאנען א הספד אויף אים פון הגאון בעל בית הלוי פון בריסק זי"ע.

זיינע תורות און בריוון ווי אויך הסכמות אויף ספרים זענען געדרוקט אין ספר "זכרון מנחם נחום" (ירושלים תשס"ה) דורך זיין אור אייניקל בן אחר בן הרב יצחק דוד טווערסקי שליט"א.

היינטיגער טאג זענען געבליבן "בן אחר בן'ס" פון דעם טריסקער מגיד נאר פון זיין בכור'ס בכור הרה"ק רבי מרדכי זוסיא'לע טריסקער.

הרה"ק רבי מרדכי זוסיא טריסקער זי"ע האט חתונה געהאט מיט הרבנית הצדיקת חוה גיטל ע"ה א טאכטער פון הרה"ק רבי יצחק מבוהוש זי"ע. סאיז געדרוקט פון אים דאס הייליגע ספר "נועם מרדכי" (ירושלים תשס"ה) דורך זיין אור אייניקל בן אחר בן הרב יצחק דוד טווערסקי.

הרה"ק רבי מרדכי זוסיא טריסקער זי"ע איז נסתלק געווארן ז"ך אדר תרצ"ו, און מנוכ"ק איז אין אן אוהל אין יאס.

זעט אויך[רעדאַקטירן | רעדאקטירן קוואַלטעקסט]

הערות[רעדאַקטירן | רעדאקטירן קוואַלטעקסט]

  1. ביי אלפסי, תורת החסידות, שטייט אז ער איז געבוירן געווארן ר"ח סיון (צוויטער באנד, עמ׳ 312)