מבח"ר
| מבח"ר | ||
 מבח"ר געביידע אין בני ברק | ||
| גרינדונג דאטע: | תש"ס, 2000 | |
| טיפ: | אַקאַדעמישע הויכשולע | |
| לאקאציע: | בן נון גאס, בני ברק | |
| היימבלאט: | mivchar.org.il | |
די פרומע בני-ברק'ער הויכשולע - מבח"ר (ר"ת פון מכללת בני ברק החרדית) (ארויסגעזאגט מיווכאַר) איז א הויכשולע פאר דעם פרומען עולם ווי טייל פון דער רעוואלוציע פון באַשעפטיגונג און בילדונג ביי די חרדים אין די לעצטע פאר יאר. די הויכשולע איז אויפגעשטעלט געוואָרן אין דעם יאָר תש"ס - 2000, דורך דאָקטאָר אברהם פוס. הײנט צו טאָג, דער אלגעמיינער דירעקטאר איז ר' מאיר יאַקאָבאָוויטש, פרייערדיג דירעקטאָר פון מוסדות חורב אינסטיטוציעס אין ירושלים. אין דער מבח"ר זענען פאַראַן פאַרשידענע לערנען-קורסן פון עטלעכע אוניווערסיטעטן, ווי צום ביישפיל די חיפה אוניווערסיעט, די בר-אילן און די תל-אביב'ער אוניווערסיטעטן.
צו טיינען די כאראקטער וואָס פּאַסט פאר דעם פרומען עולם עקזיסטירט אין דער הױכשולע גאַנץ צעשיידונג: דאַמען לערנען אין דער מאָרגן-צײט און אין דער מיטאג-צײַט, און אין דער אוונט-צייט לערנען מענער.
כאראקטער[רעדאַקטירן | רעדאַקטירן קוואַלטעקסט]
די מבח"ר האט א ליטווישע-חסידישע כאראקטער, אנדערש פון "המכללה החרדית ירושלים" (די חרדי'שע הויכשולע - ירושלים), וואס ווערט געפירט דורך עדינה בר שלום, הרב עובדיה יוסף'ס טאכטער, וואס ווערט אידענטפיצירט מער מיט דער ש"ס באוועגונג.
לערנען-קורסן[רעדאַקטירן | רעדאַקטירן קוואַלטעקסט]
די מבח"ר פירט א פאַר-אוניווערסיטעט פארבערייטונג (מכינה) וואס דארט ווערט געלערנט העברעאיש, ענגליש, מאטעמאטיק מיט וויסנשאפט, און פון דארט גייט מען צו צום פסיכאמעטרישן פארער.
מענער
- ערשטן דיפלאם - שוועסטעריי (סיעוד), סאציאל-ארבעט (עבודה סוציאלית), עקאנאמיע מיט לוגיסטיק (כלכלה ולוגיסטיקה), עקאנאמיע מיט סאציאלאגיע (כלכלה וסוציולוגיה), קאמפּיוטער-וויסנשאפט (מדעי המחשב), מאפינג און געא אינפארמאציע (מיפוי וגיאו-אינפורמציה).
- צווייטן דיפלאם - בילדונגקרייז-בעראטונג (ייעוץ חינוכי), סאציאל-ארבעט (עבודה סוציאלית), און געשעפט-פארוואלטונג (מינהל עסקים).
פרויען
- ערשטן דיפלאם - קאמוניקאציע-שטערונגען (הפרעות בתקשורת), באשעפטיגונג-טעראפיע (ריפוי בעיסוק), סאציאל-ארבעט (עבודה סוציאלית) ,און שוועסטעריי (סיעוד).
- צווייטן דיפלאם - שוועסטעריי (סיעוד), בילדונגקרייז-בעראטונג (ייעוץ חינוכי), סאציאל-ארבעט (עבודה סוציאלית), און קונסט-טעראפיע (תרפיה באומנות).
אין די מבח"ר עקזעסטירט נישט קיין אייגענע סטיפענדיעס-סיסטעם, נאר די סטיפענדיעס (מלגות) ווערן באקומען לאט די אוניווערסיטעט וואס צו איר איז פארבונדן די לערנען-פלאן פונעם סטודענט. ווייל א נידריגע סאציא-עקנאמיע צושטאנד איז גאנץ פארשפרייט ביים פרומען עולם, באקומען רוב פון די סטודענטן סטיפענדיעס.
וועבלינקען[רעדאַקטירן | רעדאַקטירן קוואַלטעקסט]
די הויכשולע'ס וועבזייטל (ארכיווירט 01.08.2014 ביי דער Wayback Machine)