טוביה צפיר

פֿון װיקיפּעדיע
קפיצה לניווט קפיצה לחיפוש
Tuvia Tzafir.jpg

טובֿיה צַפֿיר (געבוירן דעם 31סטן דעצעמבער 1945) איז אַן ישראלדיקער אַקטיאָר, קאָמיקער, מימיקער, שטימע אַקטיאָר און טעלעוויזיע האָסט.

ביאגראפיע[רעדאַקטירן | רעדאקטירן קוואַלטעקסט]

צפיר איז געבוירן געוואָרן אין תל אביב מיטן נאָמען טובֿיה קאָזלאָווסקי. ער האָט דערוואַקסט אין אַ טראַדיציאָנעלער הויז פֿון יידישע עמיגראַנטן פֿון פוילן וואס האָבן געוואוינט אין דער פֿלאָרענטין געגנט אין דרום תל אביב. אין די פֿריסטע 1960ער יאָרן האָט צפיר באַקומען זיין גרויסן אַרויסבליץ ווען ער האָט געדינט אין דער נח"ל מיליטער-טרופּע. פֿון זינטן איז צפיר געוואָרן איינער פֿון די גרעסטע ישראלדיקע טעלעוויזיע, פֿילם און טעאַטער פּערזענלעכקייטן. אַדורך זיין קאַריערע האָט צפיר באַטייליקט אין אַ סאַך פארוויילונג, הומאָרישע און סאַטירישע טעלעוויזיע און בינע שוישפּילן.

אין די 1970ער האָט צפיר באַטייליקט אין דעם מצליחדיקן סאַטירע פּראָגראַם "ניקוי ראָש", אין וועלכע ער האָט אנגעהויבן אויסצופֿירן פֿארשידענע אימיטאַציעס פֿון ישראלדיקע פּאָליטיקער ווי יצחק ראַבין און מנחם בעגין. אין די 1980ער האָט צפיר באַווייזט זיך פֿילע מאָלן אַלס אַ גאַסט אין דער ישראלישער פארוויילונג פּראָגראַם "סיבה למסיבה", אין וועלכע ער האָט אויסגעפֿירט אימיטאַציעס פֿון ישראלדיקע פּאָליטיקער און באַטייליקט אין אַ סאַך קאָמעדיע סקעטשן. אין די זעלבע עפּאָכע ער האָט אויך באַטייליקט אַלס אַ גאַסט אין פֿילע עפּיזאָדן פֿון די ישראלישע סיטקאָם "קרובֿים קרובֿים". אין די 1990ער האָט צפיר געשפּילט אַ סאַך שטימעס אין די סאַטירישע ישראלישע ליאַלקע פּראָגראַם "החרצופֿים". אין 2004 איז צפיר געווען אַ גאַסט אין "השיר שלנו", און אין 2005 אַלס אַ גאַסט אין "טלנובֿלה בע"מ".

אויך האָט צפיר באַטייליקט אין אַ סאַך פארוויילונג שוישפּילן, די רוב וועלכע זענען געשריבן געוואָרן דורכן סאַטיריסט אפרים סידון.

אַדורך די 1970ער און די 1980ער האָט צפיר באַטייליקט אין אַ סאַך ישראלישע פֿילמען, וואס שליסן איין "סלומוניקו" (1972), "צ'רלי וחצי" (1974), "חגיגה בסנוקר" (1975), "גבֿעת חלפֿון אינה עונה" (1976), "יופֿי של צרות!" (1976), "הלהקה" (1979), "נישואין נוסח תל אביב" (1979) און "האינסטלטור" (1986).

אַין די 1990ער האָט צפיר געשפּילט די שטימע פֿונעם דזשין אין די העברעאיש שפּראַכיגע ווערסיעס פֿון דיזני'ס אַנימירטער פֿילם "אַלאַדין", זיינע המשך-פֿילמען און דער טעלעוויזיע סעריע. אין 1999 האָט ער געשפּילט דער הויפט כאראקטער פֿון "פּים פּאַם פּאָ".

זינט די 2000ער באַטייליקט צפיר בפֿרט אין ישראלישע שוישפּילן און מעשיות ווידעאָס פֿאַר קינדער אויף DVD און ווידעאָ.

אין 2008 האָט צפיר באַטייליקט אין די ישראלישע דראַמע סעריע "דני האָליוואד" צוזאמען מיט גילה אלמגור.

וועבלינקען[רעדאַקטירן | רעדאקטירן קוואַלטעקסט]

Commons-logo.svg
וויקימעדיע קאמאנס האט מעדיע שייך צו: טוביה צפיר