חנוך דוב פאדווא

פֿון װיקיפּעדיע
קפיצה לניווט קפיצה לחיפוש

הרב חנוך דוב פאַדווא (כ' אב ה'תרס"ח - ט"ו אב ה'תש"ס) איז געווען אב בית דין פונעם התאחדות קהלות החרדים, די חרדישע קהילה פון לאנדאן, ענגלאנד, און א וועלטס פוסק.

יונגע יארן[רעדאַקטירן | רעדאקטירן קוואַלטעקסט]

חנוך דוב פאדווא איז געבורין געווארן כ' אב תרס"ח (17טן אויגוסט 1908) אין בוסק, א קליין שטעטל אין גאליציע (היינט אין אוקראינע) צו ר׳ אליעזר וואלף טויבער און זיין ווייב מרת טויבא, טאכטער פון ר׳ שמואל יוסף פאדווא. זיין פאטער ר' אליעזר וואלף האט אים א נאעמן געגעבן נאכן אלעסקער רבי'ן. ביי די פינעף יאר איז אויסגעבראכן די ערשטע וועלט מלחמה, און די משפחה האט זיך געצויגן פונעם פראנט קיין ווין (וואס איז דעמאלסט געווען די הויפטשטאט פון דער עסטרייך אונגארישער אימפעריע, פון וואס גאליציע איז געווען א טייל. אין ווין האט ער געלערנט ביים בוקאווסקער רב, הרב חיים פינטער. שוין אין די יונגע יארן איז חנוך דוב געווען באוואוסט פאר אן עילוי. פון ווין איז ער געפארן לערנען אין דער ישיבה אין צעהלעם און אין מאטערסדארף. שפעטער איז ער געפארן לערנען אין גרויסן בעלזער שטיבל אין קראקע. אלס בעלזער חסיד איז ער געווען צו די לעצטע ימים-נוראים תרפ״ז ביים בעלזער רבי׳ן, רבי ישכר דוב רוקח. אויך איז ער געפארן פון קראקע קיין בעלז צו דער לווייה פונעם בעלזער רב.

ער האט חתונה געהאט מיט חנה גיטל, טאכטער פון נפתלי גאטעסמאן, גבאי צום בעלזער רבי׳ן.


אין ירושלים איז ער געווארן נאענט צום טשעבינער רב און צום טעפליקער רב.

ווען דער בעלזער רבי, רבי אהרן רוקח, איז געקומען קיין ירושלים, פלעגט רבי חנוך דוב זיצן אויבן־אן.‏[1]


אין ח׳ טבת תש״ד, ווען ער האט נאך געוואוינט אין ירושלים, איז נפטר געווארן פון א לונגען אנצינדונג זיין ווייב חיה גיטל. זייערע פינף קינד האט געהאדעוועט זיין זיווג שני יהודית, טאכטער פון רבי אברהם אהרן זאנענפעלד, א זון פון גאב״ד פון ירושלים הרב יוסף חיים זאנענפעלד, מיט וועמען ער האט חתונה געהאט אין תש״ז.

אין יאר תשט"ו האט מען אים גערופן די דינען ווי אב"ד פונעם התאחדות קהילות החרדים אין לאנדאן, די ארגאניזאציע וואס פאראייניגט די חרדישע קהילות אין לאנדאן. רבי חנוך דוב האט געדינט אלס רב פון לאנדאן ביז זיין פטירה.

ער האט פארפאסט שו"ת "חשב האפוד" (דריי חלקים), מיט דער הסכמה פונעם טשעבינער רב.

ז' שבט תשנ"ג איז נפטר געווארן זיין ווייב מרת יהודית.

רבי חנוך דוב איז געווען א בעלזער חסיד.

ער איז נפטר געווארן ט"ו באב ה'תש"ס (16טן אויגוסט 2000), און איז באערדיגט אין הר המנוחות אין ירושלים.

משפחה[רעדאַקטירן | רעדאקטירן קוואַלטעקסט]

די קינדער פון הרב חנוך דוב פאדווא זענען:


רעפערענצן[רעדאַקטירן | רעדאקטירן קוואַלטעקסט]

  1. דאס אידישע ווארט, תשרי תשס״א, ביי HebrewBooks
פֿריערדיגער:
ערשטער
אב"ד התאחדות קהלות החרדים, לאנדאן
תשט"ו - תש"ס
""חשב האפוד""
נאָכפֿאלגער:
הרב משה חיים אפרים פאדווא