בארבארא רייסקין
 | |
| געבורט |
30 אקטאבער 1930 מונקאטש, אוקראינע  |
|---|---|
| טויט |
18 יוני 2013 (אלט 82) תל אביב-יפו, ישראל |
  | |
באַווא ״בארבארא״ עלעפאנט-רייסקין (העברעיש: בָּבָא אלפנט-רייסקין, אונגעריש: Bave Elefánt-Raiskin, ענגליש: Barbara Elefant-Raiskin, י"ט תשרי ה'תרצ"א [1930], מונקאטש, טשעכאסלאוואקיי - י"א תמוז ה'תשע"ג [2013] פתח תקווה, ישראל) איז געווען א מחנכת, א לעקטאר (דאצענט) אינעם תל אָביב אוניווערסיטעט, אַ פאָעט (דיכטער), א מאָלער, און שרײַבער פון קינדער-ביכער און לערנביכער.
לעבנס געשיכטע
[רעדאַקטירן | רעדאַקטירן קוואַלטעקסט]באווע איז געבוירן געוואָרן אין דער שטאט מונקאטש, טשעכאסלאוואקיי (היינט אין אוקראינע), צו איר פאטער הרב חיים יוסף מאיר עלעפאנט, און איר מוטער מרת שרה (געב׳ נײַמאן). איר פאטער איז געווען א רב, מגיד שיעור,[1] משולח פאר ישיבות, זשורנאליסט און חרדיש-ציוניסטישער אקטיוויסט. איר מוטער, שרה, איז געווען אַן אשת-חיל, א געשעפטס פרוי, און א מונקאטשער חסידעסטע. אין זומער פון 1936 האט איר פאמיליע זיך געצויגן קיין אדא, סערביע, און ביים אויסבראך פון דער צווייטער וועלט מלחמה אין 1939 - קיין אמריקע.[2].
אונטערוועגס צו אמעריקע, זענען זיי געבליבן אין ענגלאַנד פֿאַר עטלעכע חדשים; אין ליווערפול, איז זי געפאלן שלאָפנדיק אויף א טשעמאָדאַן, און איז געווארן פאָטאָגראַפירט דורך דזשאן אלבאק (John Albok). דאס "פֿאָטאָ פֿון א פליט" איז געווען געדרוקט אין צייטונגען אין ענגלאנד און אויך ייִדישע צייטונגען אין אמעריקע.[3]
אין תש"יד איז זי געווען א קינדערגארטן לערערין אין עש"י [דער זשיטאמירער תלמוד תורה דרכי נועם, אויף ענגליש: The East Side Hebrew Institute], און האט באגעגנט מיט איר צוקונפטיגן מאן, דער מנהל. אין תשי"ז האט זי פארהייראט הרב מרדכי רייסקין. זיי האבן געהאט אכט קינדער.
אין די שפעט 1960ער יאָרן האט זי באקומען איר דאקטאראט אין פסיכאלאגיע,[4] פון ניו-יארק אוניווערסיטעט. אירע אנדערע אקאדעמישער תארים זיינען געווען אין געשיכטע, קונסט (MA), חינוך און יידישקייט.
אין תשל"ד האט זי געמאכט עליה און געקומען וווינען אין ישראל, און דארט איז געווען א דאצענט אויף ענגלישער ליטעראטור אינעם תל אָביב אוניווערסיטעט,[5] פאר מער פון 20 יאר. זי האט פארעפנטלעכט צוויי לערנביכער אין דעם אוניווערסיטעט.
איר ביכער
[רעדאַקטירן | רעדאַקטירן קוואַלטעקסט]- English Conversation Through Literature : intermediate level, Tel Aviv University - לערנבוך.
- English Conversation Through Literature : Intermediate and Advanced Levels, Tel Aviv University - לערנבוך.
- Velvety Blackness - "שחור קטיפתי" - דיכטונגען און געמעלן.
- About the Wind [וועגן די ווינט] - אילוסטרירט קינדער בוך, אויף ענגליש.
- A Visit to The Pet Shop [א באזוך אין דער "פעט שאפ"] - אילוסטרירט קינדער בוך, (אויף ענגליש).
- A Discussion About God [א דיסקוסיע (שיחה) וועגן גאָט] - אילוסטרירט קינדער בוך, (אויף ענגליש).
- Jaffa's Little Red-Striped Lighthouse [יפו'ס קליינער רויט-געשטרייַפטער לייַכטטורעם] - אילוסטרירט קינדער בוך, (אויף ענגליש).
- מה עושה הרוח? [וואס טוט דער ווינט] - אילוסטרירט קינדער בוך, (אויף העברעיש).
- הביקור של גן הילדים בחנות לחיות מחמד - אילוסטרירט קינדער בוך, (אויף העברעיש).
- Post Datal Depression [דעפּרעסיע נאך דייטינג] LCCN 2005423665 - אן אילוסטרירט הומאָריסטיש בוך (אויף ענגליש).
- גבע אינו רואה כל צבע (אילוסטרירט דורך בָּבָא עלעפאנט-רייסקין).
- סהר הוא בחור סהרורי (אילוסטרירט דורך בָּבָא עלעפאנט-רייסקין).
פרעמיעס
[רעדאַקטירן | רעדאַקטירן קוואַלטעקסט]- "אם השנה" - עיריית תל אביב, תשל"ט 1979.
- "אשת חיל" - די שול/ישיבה WVHD אין לאס אנדזשעלעס, קאליפארניע, תשנ"ח 1998.[6]
רעפערענצן
[רעדאַקטירן | רעדאַקטירן קוואַלטעקסט]- ↑ יוסף גלילי, השומרים לבוקר, בני ברק : חסידים 1992, עמ' 367.
- ↑ MyHeritage וועבזייטל, "Rabbi Chaim Yosef Meir Elefant, 1897-1976"
- ↑ דוויורע (דבורה) טאראנט, "קינדער וואס רייצן זיך" , היים און דערציאונג, ניו יארק, 1939, בלאט 13.
- ↑ ד"ר חנה קטן, חיי אשה, ירושלים: ספריית בית אל, 2012, עמ' 108-109; יעל פישביין, "המימוש הגדול של ד"ר חנה קטן", אתרוג (יולי 1999, גליון 4), בלאט 14.
- ↑ Jerusalem Post Staff, "Outstanding moms lauded on their day", Jerusalem Post, "Mothers Day", page 7, Feb. 28th 1979: "Among those honoured were five Tel Aviv women who were given 'Mother of the Year' awards for their work... Barbara Raiskin, mother of eight and university lecturer...".
- ↑ "Hakarat Hatov: We Acknowledge and appreciate your good deeds", The Jewish Press, Heritage Southwest Jewish Press (Friday, June 5, 1998), p. 3: "The Gala event also honoring Mrs. Barbara Raiskin "Woman of Valor"... will be held in the Grand Ballroom of the Warner Center Marriott Hotel in Woodland Hills, Ca..."