באַניצער רעדן:פוילישער/מערץ ארכיוו 2009

פֿון װיקיפּעדיע
קפיצה לניווט קפיצה לחיפוש

איבערשמועסן[רעדאקטירן קוואַלטעקסט]

כ'האב חשק צו שאפן א עקסטערע קאטאגאריע - בארניוו אדער באראנאוו ?. ביי אברהם שמחה הורוויץ האב איך צוגעלייגט א קאַטעגאָריע - גדולי ישראל עולים קיין א"י אבער כ'האב איז נישט געמאכט דערווייל וואס קלערט איר פון אזא קאַטעגאָריע, אין וואס וואלט געווען דערפאסיגע נאמען?--יוסל 14:55, 27 פעברואר 2009 (UTC)

צווישן בארניוו און באראנאוו ווייס איך נישט (אבער דער ערשטער האט מער א שמעק פון יידיש). וועגן א קאטעגאריע: גדולי ישראל עולים קיין א"י, לכאורה איז דאס א גוטער נאמען; שאפט די קאטעגאריע, דער וואס האלט אז מ'קען פארבעסערן דעם נאמען קען מעלדן אויפן שמועס-בלאט. --פוילישער 15:00, 27 פעברואר 2009 (UTC)
איך מײן אַז די װערטער "קײַן א"י" איז איבעריק. ►רוני◄ 23:36, 27 פעברואר 2009 (UTC)

לדעתי אָן די ווערטער "קײַן א"י" גדולי ישראל עולים איז אריין העברעאישער אויסשפראך, צ.ב.ש - הוא עלה שנה שעברה, וכהנה, דאגעגען אויף יידיש ווערט אויסגעדריקט, ער האט פאַריאָר עולה געווען קיין א"י.--יוסל 22:19, 28 פעברואר 2009 (UTC)

כ'בין מסכים מיט יוסל, אן די ווערטער "קיין א"י" איז נישט קלאָר וואס מען מיינט. --פוילישער 00:33, 1 מערץ 2009 (UTC)
כ'בין ניט זיכער מיט װאָס איר זאָגט. כ'מײן אַז אױך אױף ייִדיש זאָגט מען "ער האָט עולה געװען פֿאָריקן יאָר" "זײ זײַנען עולים" אדג"ל. אָבער עולים אין אַ מערצאָל הערט זיך אין מײַנע אױערן עכטע העברעיש. אָבער מיט די װערטער "קײַן א"י" איז אפֿשר אױך גוט. ►רוני◄ 04:56, 1 מערץ 2009 (UTC)
אפשר וואלט געווען בעסער "גדולי ישראל וואס האבן עולה געווען קיין א"י". אבער סתם עולים קען באדייטן עולה זיין צו דער תורה, ניין? --פוילישער 10:14, 1 מערץ 2009 (UTC)

די סבה פארוואס כ'האב פארגעשטעלט לכתחלה עולים אויף לה"ק, ווייל כ'מיין אז א קאטאגאריע דארף טראגן א קורצן נאמען, אנדערש קען מען פשוט שרייבן אינגאנצן יידיש "גדולי ישראל וואס זענען ארויף קיין א"י", אדער אויף צוהאלטן קורץ "גדולי ישראל - עולה געווען קיין א"י", אדער גאהר "גדולי ישראל - ארויף קיין א"י".

אפשר טאקע "גדולי ישראל - ארויף קיין א"י". --פוילישער 11:27, 1 מערץ 2009 (UTC)
איך האַלט אַז "גדולי ישראל וואס זענען ארויף קיין א"י" איז בעסער. בעסער אַ לאַנגע קאַטעגאָריע אײדער אַרײַנלײגן טירען אין דעם קאַטעגאָריע־נאָמען. ►רוני◄ 02:09, 4 מערץ 2009 (UTC)

מען שרײַבט דעם טאָג נאָכן חודש[רעדאקטירן קוואַלטעקסט]

איך זע אַז איר שרײַבט שטענדיק פֿריער דעם נומער אַזױ װי אין העברעיש, אָבער אױף ייִדיש דאַרף מען פֿריער שרײַבן דעם מאָנאַט. עס קומט "מערץ 4" און ניט "4 מערץ". אַזױ שרײַבן אױך אַלע ייִדישע צײַטונגען (ניט געטראָפֿן פֿאַרקערט). כ'אָב געזוכט "מערץ" אין גוגל און דאָס געטראָפֿן: פֿאָרװערטס, אַלגעמײנער. ביטע זײַ בודק. ►רוני◄ 02:02, 4 מערץ 2009 (UTC)

אויב איך מעג צולייגן א מיינונג: ס'איז בעצם א חילוק אין די גויאישע וועלט, דהיינו אין אמעריקא ווערט געשריבן March 4th, 2009 בשעת אין די אנדערע ערטער א"י, אירופא, א.ז.ו. ווערט געשריבן 4th March 2009 די צייטונגן וואס איר ברענגט זענען אמעריקאנער. ס'וואל כדאי געווען אפשר צומאכין א כלל.--יוסל 08:28, 4 מערץ 2009 (UTC)
אזוי ווי יוסל שרייבט, די אמעריקאנער צייטונגען מאכן נאך דעם אמעריקאנער סטיל "מאנאט טאג יאר". אלע אנדערע שרייבן "טאג מאנאט יאר". --פוילישער 13:42, 4 מערץ 2009 (UTC)
דאָס איז קלאָר אַז בײַ אַ בינדװאָרט שרײַבט מען פֿריער דעם טאָג "דעם 41טן יאַנואַר", אָבער װען מע שרײַבט נאָר דעם טאָג מיט דעם חודש, קומט עס "מערץ 4", טאָמער װאָלט מען געשריבן מיט אַ "אין" װאָלט מען טאַקע געדאַרפֿט שרײַבן "4 אין מערץ" (אַזױ װי אין העברעיש "4 במרץ") אָבער שרײַבן בלױז "4 מערץ" קלינגט זיך זײער מאָדנע (4 מערצן ניט 3 מערצן :-)). טאָמער איז דאָ אַ ייַדישער שרײבער װאָס שרײבט װי אײַך לאָזט מיר ביטע הערן. דער בעסטער כּלל װעט זײַן צו שרײַבן תּמיד מיט אַ בינדװאָרט 4טער מערץ, 5טער מערץ. אַזױ שרײַבט מען אין אַלגעמײן. זע דאָ ►רוני◄ 15:58, 4 מערץ 2009 (UTC)
אויב אזוי, 4טן מערץ, 5טן מערץ, דאטיווער פאל. --פוילישער 20:47, 8 מערץ 2009 (UTC)
פֿאַרװאָס שרײַבן אױף אַ דאַטיװער פֿאַל? נאָרמאַל שרײַבט מען דאָך נאָמינאַטיװ. ►רוני◄ 15:19, 11 מערץ 2009 (UTC)
פֿארוואָס ווייס איך נישט, אבער אזוי שרייבט כ"ץ און אזוי זאגט מען טאקע. --פוילישער 15:26, 11 מערץ 2009 (UTC)
װאָס הײסט אַזױ שרײַבט כ"ץ? װען מען שרײַבט דאַטיװ שרײַבט מען "אינעם 1טן יאַנואַר", אָבער װען מען שרײַבט סתם אַזוי, שרײַבט מען "1טער יאַנואַר". ►רוני◄ 18:02, 11 מערץ 2009 (UTC)
גראמאטיק פון דער יידישער שפראך 13.3.4: דאטעס ווערן פארמירט מיט סדר־נומערן. זיי זענען מענלעך און טראדיציאנעל געגעבן אין דאטיוו מיט דעם מענלעכן געוויסיקן ארטיקל "דעם" (פארטייטשט פון ענגליש). --פוילישער 20:20, 11 מערץ 2009 (UTC)
אַ דאַנק (מײַן גאַנצע דרשה איז בטעות ניט געשיקט געװאָרן, װעל איך רעדן אין קורצן) דער פֿאָרװערטס שרײַבט 6טער מערץ און ניט 6טן מערץ, ס'שװער צו גלױבן אַז זײ האָבן חילוקי דעות אין דעם ענין, זע למשל דער פֿאָרװערטס גאַנץ אױבן עס שטײט דאָרט 6טער מערץ און ניט 6טן מערץ. לױט מײַן אױסזע זעט מיר אױס מאָדנע צו שרײַבן למשל בײַ אַ טיטל פֿון אַ צײַטונג "6טן מערץ" אין אַ דאַטיװן פֿאַל. אָבער פֿון דעסטװעגן אױב ביסטו ניט מסכּים מיט מיר, קען מען דאָ שרײַבן דאַטיװ, בעיקר װיבאַלד רוב פֿון די אַרטיקלענס װיקי־לינקען קומען דאַטיװ. אַ דאַנק דיר. ►רוני◄ 06:33, 12 מערץ 2009 (UTC)
װי הײסט דער ספֿר גראמאטיק פון דער יידישער שפראך אױף ענגליש, איך װעל אים אַ זוך טאָן בײַ אונדז אין אוניװערסיטעט. ►רוני◄ 11:08, 12 מערץ 2009 (UTC)
Dovid Katz, Grammar of the Yiddish Language (Duckworth, 1987)

--פוילישער 11:49, 12 מערץ 2009 (UTC)

װידעאָ רעדאַקטאָר פּראָגראַם[רעדאקטירן קוואַלטעקסט]

איז מעגלעך צו נוצן דעם װאָרט "רעדאַקטאָר" אַף צו רופֿן אַ Video editing program? נאָרמאַל קען איך דעם װאָרט צו באַטיטלען אַ מענטשן, ניט אַ עצם. װאָס האַלטסטו? ►רוני◄ 06:02, 8 מערץ 2009 (UTC)

פשטות איז רעדאקטאר א מענטש. מ'קען אפשר זאגן "ווידעא רעדאקטירונג פראגראם". --פוילישער 20:49, 8 מערץ 2009 (UTC)

איך שרייב הוילע שטותים? דאן ביטע קלער אויף דיין שתיקה כהודאה דא ביי רוניס וואנדאליזם[רעדאקטירן קוואַלטעקסט]

פארוואס לאזטו דא רוני פארשפארן בלעטער ווי [1] כלל שפראך? בשעת ווען איך זאג אים קלאר און דייטלעך אז דער פארווערטס רופט דאס סטאנדארט אידיש סיי דורך גענאדי עסטרייך און סיי דורך לייזער בורקא און ער שווייגט. פארוואס לאזטו דא רוני בלאקירן באנוצער? [2] ווי ער האט מיך בלאקירט ווען איך האב גערעדט און ער האט געשוויגן ביים איד ייד דעבאטע זעה די פאסענדע רעדן זייטן. פארוואס לאזטו אים דא בכלל קאמאנדעווען רוקן און באוועגן בלעטער אן זיין רעדן בכלל ווי ער איז טויט שטיל און איך רעדט. ווי למשל דו האסט געטאן ביי וויקיפעדיע פאליסיס בלאט [3] נישט נאר האסט אים געלאזט דא וואנדאליזירן נאר האסטעך אנגערופן מיט א תמימות עפעס א דריטער זאך אומגעפרעגט און אזוי ארום פארווישט דעם רוניס עוולה פון באוועגן כסדר אן זיך דורכרעדן אויף שמועס זייט זעה דארטן קלאר. פארוואס שווייגסטו ווען ער מעקט [4] בלעטער ווי די קריטיק אויפן וויקיפעדיע בלאט אן די געהעריגע געלעגנהייט צו פארעכטן און צולייגן זיינע באדערונגן וואס באדערט אים בשעת איך מוטשע מיך געהעריג פרייטאג פארן זמן 2 שעה צו בארבייטן און איך האב געזאגט אז איך האלט נאך דערביי ביים בארבייטען. פארוואס לאזטו אים דא רודף'ן באנוצער דורך זיך מאכן א בלאט אויף באנוצער וואס ער זאגט אז אין זיין מיינונג דארף מען זיי אויפפאסן[5] און נאכקוקן זייער ארבייט, און ווען נישט וואס איך בין מוחה אויפן רעדן בלאט דארטן האט ער נאך געהאט די חוצפה זיי צו באשולדיגן אלץ איין מענטש? וכו' וכו' דאס איז דאך אומציוויליזירטער באנוצער. יעדן טאג ביסטו דא שטיל. איך האב נישט קיין שום פראבלעם זאלסט לייקענען אפילו איך ברענג דיר באווייזן. אבער מיך אנצוריפן וועגן דעם אז איך שרייב הוילע שטותים?! דאס איז א חוצפה שאין כדוגמתה. איך וואלט געוואלט וויסן וואס ביי דיר איז הויכע באשפריצטער אינטליגענציע אז אויב דאס איז הוילע שטותים...--א דאנק. אייערס מיט עהרע און ליבע י.י. 14:18, 18 מערץ 2009 (UTC)

זיי אזוי גוט שטעל נישט צוריק. דיין באניצער בלאט איז נישט דאס ארט צו פירן פאליטיק. --פוילישער 14:38, 18 מערץ 2009 (UTC)
איך פיר פאליטיק. דאן וואס הייסט דיין מעקן מיין באנוצער בלאט דיפלאמאטיע?. און וואס איז דאס באטיטול'ן מיינע מקורות'דיגע באווייזן אויף דיין שטילע מיטארבייט מיט רוני'ס וואנדאליזם הוילע שטותים ניין דו פירסט נישט פאליטיק דו פירסט א שטילער האלאקאסט מיטן אים לאזן דא זיך צופירן זיינע וואנדאליזם אקטן.--א דאנק. אייערס מיט עהרע און ליבע י.י. 14:43, 18 מערץ 2009 (UTC)

לינקן צי לינקען?[רעדאקטירן קוואַלטעקסט]

מיר האָבן שױן אַמאָל דיסקוטירט װעגן דעם, און כ'אָב דיר געװאָלט פֿרעגן, לשיטתך אַז מען שרײַבט לינקען און ניט לינקן, איז פֿאַרװאָס שרײַבט מען אױפֿן לינקן אױג און ניט אױפֿן לינקען אױג? ►רוני◄ 09:57, 20 מערץ 2009 (UTC)

איר פרעגט זייער גוט. דעם טעם ווייס איך טאקע נישט, אבער דער כלל פון -ען נאך -נג און -נק גייט אן נאר ביי סובסטאנטיוון (מערצאל) און ווערבן. ביי אדיעקטיוון בייגט מען יא מיט -ן נאך -נג און -נק. ס'איז אבער גוט אז מען קען גיך אונטערשיידן צווישן דעם אדיעקטיוו לינקן און דעם סובסטאנטיוו לינקען! --פוילישער 11:32, 20 מערץ 2009 (UTC)

מראה מקומות ביטע?[רעדאקטירן קוואַלטעקסט]

רוני שרייבט אז ער טאר נישט רעדן ווען דו רעדסט ווייל נאכער וועט ער שוין נישט קענען באשלוסן סיי וואסערע פשרה עס פעלט אויס וויבאלד ער איז דער איינציגסטער סיסאפ איבערגעבליבן אויב דו ביסט אריינגעמישט אין עפעס א מיינונגס פארשידענהייט. נישט נאר האלט ער מוז ער שווייגן און זיך נישט דורכרעדן נאר ער האלט פאר וויכטיג מיך צו בלאקירן פאר 3 טעג אן אנווייזן אפילו א מראה מקום פון א שמועס דערוועגן ווי דו דרוקסט אויס דיין מיינונג. [6] איז אלזא לאמיר דאס דורכרעדן און ביטע הער אויף צו שווייגן פאר אזאלעכע ענינים וואס רוני זאגט אפען אז ער בלאקירט צוליב דיין'ס א באהאלטן מיינונג וואס איך בעט זיך זאלסט רעדן.

אידיש און איד שרייבן די אידישיסטן מיט א 'יי' איך קען מיך נישט שלאגן מיט לינגוויסטן וואס האבן דאס דורכגעטאן. נאך אלעם איז מיין אידיש נישט פון איבערצייגונג נאר פון נאטור איך בין אזוי געבוירן ביי אן אידיש רעדענדע מילך פיטערער.

אבער אידישקייט איז דאך א זאך וואס איך וויל יא פארשטיין וויאזוי דו קענסטעך קריגן מיט דיין רבי הירשע דוד כ"ץ (וואס ער שרייבט גראדע אידיש און איד אבער דאך א מיעוט צווישן די אידישיסטן) - אידישקייט איז דאך תורה ומצוות: דהיינו עפעס אן אידישע קולטור און ליטעראטור פון דאס אידישע פאלק. איז דען היינט דא א ריכטיגער פרייער אידישקייט וואס דאס פאלק האלט פאר זייער ליטעראטור און קולטור? אפשר יא. אבער ווער זענען זיי וואס זיי רעדן דעם אידישן שפראך דהיינו נישט ענגליש אדער עברית דאס זענען דאך די חרדים, זיי זענען היינט ביזי מיט אידישקייט און זיי זענען דאך פון דיע וואס שרייבן דאס מיט אן א' און נישט מיט קיין יי'? אפשר זאגסטו מיר ווי דו האסט דיך אויסגעדריקט דיין דעת אין דעם אדער קענסטע ביטע נאכאמאל מסביר זיין דיך ווייל איך טרעף נישט דעם שמועס?

נאכאמאל איך קען פארשטיין אז דו האלטסט אזוי אבער ביטע לאמיר רעדן דערוועגן כדי עס זאל זיך נישט נאכאמאל מאכן טעותים פון באנוצער וואס וועלן נישט וויסן אין דער רוני וועט זיי נאכאמאל בלאקירן --א דאנק. אייערס מיט עהרע און ליבע י.י. 14:01, 20 מערץ 2009 (UTC)


איך בין נישט קלאר פון דער גאנצער מגילה וואס דו פרעגסט. צי מען זאל שרייבן "איד" אדער "ייד"? אוודאי ביידע אויסלייגן זענען כשר, אבער מען קען זיי נישט אויסמישן אין איין ארטיקל. דאס האט נישט קיין פנים. ווען מען שרייבט וועגן סאטמאר, פאסט צו שרייבן "איד" אזוי ווי זיי שרייבן. לאידך ווען מען שרייבט וועגן ייוו"א אדער פארווערטס, פאסט צו שרייבן "ייד" אזוי ווי זיי שרייבן.
1. שרייבטס איך בין נישט קלאר פון דער גאנצער מגילה וואס דו פרעגסט איך פרעג זייער קלאר: געב מיר מראה מקומות אדער רעדט דיך דורך פאר דו לאזט רוני בלאקירן דא פאר דריי טעג. ווילסט דיך מאכן טעמיש כאילו איך האב דיר נישט קלאר געפרעגט כדי זאלסט מיך קענען אנרופן א פאליטיקער איז דאס דיין אויסוואל אבער זאל יעדער זעהן דיין ארבייט דא.
2. אט הייסט ביסט מודה צו מיר אז מען שרייבט וועגן אידישקייט זאל דאס קומן מיט אן א'?--א דאנק. אייערס מיט עהרע און ליבע י.י. 13:54, 23 מערץ 2009 (UTC)
וועגן הירשע-דוד כ"ץ, ער שרייבט דאך "ייד", קוק אויף זיין וועבארט. (נאר אין דעם "אלגעמיינער" לייגן זיי אויס "איד" לויט זייערע כללים.) --פוילישער 15:21, 20 מערץ 2009 (UTC)
איך הער דאס הייסט אז מען שרייבט איבער אידישקייט ביסטו מודה צו מיר אז עס זאל קומען מיט אן א' יא אדער ניין?--א דאנק. אייערס מיט עהרע און ליבע י.י. 13:54, 23 מערץ 2009 (UTC)
יעדער איינער האט א רעכט צו שרייבן וועגן יידישקייט/אידישקייט מיט זיין אויסלייג. אבער וועגן סאטמאר איז יא כדאי צו שרייבן "אידיש". (אן ענלעכער כלל גייט אן אין דער ענגלישער וו"פ). --פוילישער 14:16, 23 מערץ 2009 (UTC)
יודל, מאַכסט אַ גרױסן טעות. עס זײַנען דאָ הײַנט זײער אַ סך מענטשן װאָס לערנען און קענען ייִדיש, ייִדיש לעבט איבעראָל, אין ישראל איז אפֿילו דאָ אַ קלאָרע פּראָפֿעסיע פֿאַר ייִדיש אין דער בגרות דאָקומענט, און אין אַלע אוניװערסיטעטן האָט ייִדיש אַ פּלאַץ. דאָס װאָס זײ שרײַבן ניט אין װיקיפּעדיע, זאָגן זײ אַלע פה־אחד אַז װײַל די װיקיפּעדיע איז פּראָסט און נאַריש געשריבן און עס איז ניטאָ דאָרט װאָס צו לײענען. און דערװײַל זײַנען זײ גערעכט. מיר קענען דאָ ניט בױען די װיקיפּעדיע פֿאַר אײן אײנציקע מאַרקאַנער פֿרומע קהילה װאָס האַלטן בכלל ניט צו אַנטװיקלען די שפּראַך און װיסנשאַפֿט בּכלל, זײ ניצן די שפּראַך נאָר מיט װאָס ס'נוגע צו זײער טאָג טעגליכן לעבן. אַן ענציקלאָפּעדיע מוז זײַן אַ סך מער כּלליתדיק, אױב מיר װעלן דערלאָזן שרײַבן ביעטש, סעלפאון, קוגל מיט טשאָלנט, װעט אונדזער װיקי קײנמאָל ניט זײַן פּראָפֿעסיאָנעל. אױב װעלן למשל די פֿײסבוך קהילה באַשליסן צו שרײַבן אין װיקיפּעדיע (אפֿשר טאַקע איז כדאי באַשטימען עטלעכע פֿון זײ װי מנהלים) װעלן מיר אָנהױבן זען באמת װיכטיקע אַרטיקלען. איך זאָג ניט ח"ו אַז די פֿרומע האָבן דאָ ניט קײַן אָרט, אָבער נעם אין באַאַכט אַז די אינטערנעט איז בײַ זײ אסור, און אױב איז שױן דאָ אַ פֿרומער װאָס איז גרײט צו שרײַבן און איז אָפֿן צו דער מאָדערנער װעלט און איר װיסנשאַפֿט, דאַרף ער זיך באַקענען אױך מיט דער קאָרעקטער ייִדיש. ►רוני◄ 16:36, 20 מערץ 2009 (UTC)
1. פוילישער: איך מאך נישט קיין טעות איך האב געברענגט באווייזן האסטו דאס אויסגעמעקט און פארשפארט דעם ארטיקל
וועלכן ארטיקל האב איך פארשפארט? --פוילישער 14:16, 23 מערץ 2009 (UTC)
2. יידיש לעבט איבעראל אלץ א צווייטער שפראך דאס איינציגסטער פלאץ ווי דאס לעבט אלץ אן ערשטער מוטער שפראך איז דאס אין די חרדישע געזעלשאפט.
3. דאס אז עס איז אנערקענט אלץ א חכמה פון א תעודת בגרות מיינט נישט אז דאס לעבט אלץ שפראך. דאס לעבט פשוט אלץ חכמה.
4. דאס וואס זיי זאגן אז זיי שרייבן נישטא און דער אמת'ער סיבה פארוואס זיי שרייבן נישטא איז 2 זאכן. יעדער פארשטייט אז דער וויקיפעדיע איז א פרייער אפענער פראיעקט קיינער צווינגט קיינעם נישט גארנישט. זיי קענען דא קומען און שרייבן וויאזוי זיי ווילן און זיי וועלן דאס אויספארעמען לויט זייער ווילן.
5. דאס וואס זיי זאגן אז דאס איז נאריש איז אפגעפרעגט דו אלץ ארונישער שוויצער זאגסט אויך אין דיין קרעטשמע טאג און נאכט אז מיר זענען נאריש דער פאקט איז יא מיר זענען נאריש אבער פון זעקס טויזענט ארטיקלן זענען מיר ווייניגער נאריש פון סיי וואסארע וועבסייט. צו איז דאס דיין קרעטשמע אדער זייער תפוז אדער פייסבוך.
6. די איבעריגער חלום לאקאשן פאנטאזיע אז פייסבוך האט מער פרייע ווי פרומע און זיי זענען אונזער ישועה פארשטיי איך נישט פונקליך וואס דיך דרוקט אבער איין זאך איז קלאר נעם אראפ דיינע הענט פון דא. איך בין מסכים זאל סיי יעדער איינער ווערן דא סיסאפ צו איז דאס פון פייסבוך צו איז דאס פון הייד פארק אדער דיין קרעטשמע. עס לאנג זיי פירן זיך לויט די פאליסיס פון נישט בלאקירן און זיך דורכרעדן איז דאס זייער גוט אדרבה ואדרבה. --א דאנק. אייערס מיט עהרע און ליבע י.י. 13:54, 23 מערץ 2009 (UTC)

דיכטער אין פייטנים[רעדאקטירן קוואַלטעקסט]

ס'לייגט זיך שווער צו זען דעם חרדים אין זעלבען קאַטעגאָריע ווי סרול בראנשטיין אד"ג, לענ"ד וואלט געווען קלארער אפצוטיילן קאַטעגאָריע פייטנים, פאר אזעלכע וואס האבן געשריבן תפלות אדער זמירות אויף לה"ק אדער תרגום וכהנה, פון קאַטעגאָריע יידישע דיכטער פאר פאעטין אין דיכטערס געשריבן אין יידיש--יוסל 11:25, 25 מערץ 2009 (UTC) כ'האב באמערקט אז ס'איז טאקע פארהאן צוויי באזונדערע אינטערקאַטעגאָריע דיכטער און פיוטים--יוסל 11:29, 25 מערץ 2009 (UTC)

א דאנק פאר דער הערה. כ'האב געעפנט א קאטעגאריע:פייטנים. --פוילישער 12:17, 25 מערץ 2009 (UTC)