אריה לייביש מרדכי האלבערשטאם

פֿון װיקיפּעדיע
קפיצה לניווט קפיצה לחיפוש

רבי אריה לייביש מרדכי האלבערשטאם זצ"ל (ה'תרל"בכ"ז חשוון ה'תרצ"א), פון שינאווא, באקאנט אלס רבי לייביש מרדכי.

אפשטאם[רעדאַקטירן | רעדאקטירן קוואַלטעקסט]

רבי לייביש מרדכי איז געבוירן געווארן אין יאר ה'תרל"ב (אומגעפער), צו זיין פאטער הרב משה האלבערשטאם רב אין שינאווא, א זון פון הרב יחזקאל שרגא האלבערשטאם, דער שינאווער רב, א זון פון הרב חיים האלבערשטאם, דער צאנזער רב.

רבנות[רעדאַקטירן | רעדאקטירן קוואַלטעקסט]

רבי לייביש מרדכי האט געוואוינט אין שינאווא, און אין יאר ה'תרפ"ב[1] האט ער זיך באזעצט אין קראקא, ער איז געווען באקאנט פאר זיין גלייכקייט און ערליכקייט, טויזענטער חסידים פון נאנט און ווייט פלעגען קומען זיך פראווען ביי אים.

הסתלקות[רעדאַקטירן | רעדאקטירן קוואַלטעקסט]

איעדעס מאל וואס רבי לייביש מרדכי פלעגט קומען קיין צאנז האט ער אויפגעפאסט נישט צו נעכטיגן דארט, ער האט געזאגט אז דער פאטער ריפט אים, איינמאל ווען ער האט זיך נישט געפילט גוט, איז ער געבליבן איבערנעכטיגן, און ער איז פלוצלינג נפטר געווארן כ"ז חשוון ה'תרצ"א, און ליגט אין צאנז נעבען זיין פאטער.

פאמיליע[רעדאַקטירן | רעדאקטירן קוואַלטעקסט]

רבי לייביש מרדכי האט געהייראט מרת דבורה א טאכטער פון הרב ישראל יעקב יוקיל טייטלבוים, רב אין וואלאווע, א זון פון הרב שמואל טייטלבוים, רב אין גארליץ, א זון פון הרב אלעזר ניסן טייטלבוים, רב אין דראהאביטש, א זון פון דעם ישמח משה. זייערע קינדער:

  • מרת ריווא הי"ד, די ווייב פון הרב יצחק מאסקאוויטש (ה'תר"ס - ט' חשוון ה'תרצ"א), שאצער רבי פון לאנדאן, א זון פון הרב שלום מאסקאוויטש פון שאץ-לאנדאן. זי איז אומגעקומן אויף קידוש השם מיט אירע קינדער, הי"ד.
    • ישראל יעקב יוקל הי"ד... יחזקאל שרגא הי"ד... יוטקע ליפשע הי"ד...
  • הרב משה האלבערשטאם, פון שינאווא, ער איז אומגעקומן אויף קידוש השם מיט זיין רביצין און זעקס קינדער, הי"ד.
  • מרת רחל, די ווייב פון הרב יעקב הורוויץ, מעליצער רב, א זון פון הרב אלעזר הורוויץ פון בארווע, א זון פון הרב נפתלי הורוויץ רב אין מעליץ, זי איז אומגעקומן אויף קידוש השם מיט איר פאמיליע, הי"ד.

רעפערענצן[רעדאַקטירן | רעדאקטירן קוואַלטעקסט]

  • י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
  • אנציקלופדיה לחכמי גליציה, מאיר וונדר
  1. א.ל.ג.