אברהם הורוויץ

פֿון װיקיפּעדיע
קפיצה לניווט קפיצה לחיפוש

רבי אברהם הורוויץ זצ"ל (ה'תרמ"ה - ה'תש"ב), גערופן רבי ״אברהם'לי דעמביצער״.

אפשטאם[רעדאַקטירן | רעדאקטירן קוואַלטעקסט]

רבי אברהם'לי איז געבוירן אין יאר ה'תרמ"ה (אומגעפער), צו זיין פאטער הרב אליהו הורוויץ, רב אין זאלין, באקאנט אלס דער זאלינער רב, א זון פון הרב נפתלי חיים הורוויץ, פון דזשיקאוו - ירושלים, דער וואונדער רבי, א זון פון הרב מאיר הורוויץ, רב אין דזשיקאוו, דער אמרי נועם, א זון פון הרב אליעזר הורוויץ, רב אין דזשיקאוו, באקאנט אלס רבי אליעזר'ל דזשיקאווער, א זון פון הרב נפתלי צבי הורוויץ, דער ראפשיצער רב.

געשיכטע[רעדאַקטירן | רעדאקטירן קוואַלטעקסט]

רבי אברהם'לי האט געוואוינט נעבן זיין שווער אין דעמביץ. ער פלעגט אפט קומען קיין דזשיקאוו, דארט פלעגט ער אנזיצן א לענגערע צייט ביי זיין בעל אכסניא ר' ישראל קאלאמייער. ער איז געווען א געוואלדיגער תלמיד חכם, דערפאר האבן די שטאט'ס מענטשן אים אפגעגעבן א גרויס רעספעקט, און פלעגן אים שיין אונטערשטיצן. זיין באנעמונג איז געווען זייער מאדנע, ער איז געזעסן אין בית המדרש א גאנצן טאג, ער האט נאר געגעסן מילכיגס.

הסתלקות[רעדאַקטירן | רעדאקטירן קוואַלטעקסט]

רבי אברהם'לי איז אומגעקעמען אין יאר ה'תש"ב, הי"ד.

פאמיליע[רעדאַקטירן | רעדאקטירן קוואַלטעקסט]

רבי אברהם'לי האט געהייראט מרת ביילא די טאכטער פון הרב שמואל הורוויץ, רב אין דעמביץ, א זון פון הרב ראובן הורוויץ רב אין דעמביץ, א זון פון רבי אליעזר'ל דזשיקאווער, א זון פונעם ראפשיצער רב. זייערע קינדער:

  • מרת חנה, די ווייב פון הרב יצחק איטינגער; זיי זענען אומגעקעמען צוזאמען מיט זייער זון אין יאר ה'תש"ב, הי"ד.
  • מרת מרים, הי"ד.
  • הרב יהודה מאיר, הי"ד.
  • מרת ראכיל, בזיווג שני די ווייב פון הרב יואל היילפרין, יאסלא רב אין ניו יארק.

רעפערענצן[רעדאַקטירן | רעדאקטירן קוואַלטעקסט]

  • אנציקלופדיה לחכמי גליציה, מאיר וונדר