אברהם אביגדור לאנדא
 | |
| געבורט |
3 פעברואר 1917  |
|---|---|
| טויט |
4 סעפטעמבער 2001 (אלט 84) |
| קבורה ארט |
הר המנוחות |
| פאך |
רב |
  | |
רבי אברהם אביגדור נחום לאנדא (י"א שבט ה'תרע"ז, 3טן פעברואר 1917 - ט"ז אלול ה'תשס"א, 4טן סעפטעמבער 2001) איז געווען דער סטריקאווער רבי.
לעבנסגעשיכטע
[רעדאַקטירן | רעדאַקטירן קוואַלטעקסט]ער איז געבוירן געווארן אין פוילן, צו רויזא ביילא און רבי יעקב יצחק דן לאנדא, סטריקאווער רבי . ווען ער איז געווארן אלט 13 יאר איז ער אריין לערנען אין ישיבת חכמי לובלין. ווען די צווייטע וועלט-מלחמה האט אויסגעבראכן איז ער אנטלאפן אין ווילנע, וואו ער איז געבליבן עטלעכע חדשים צוזאמען מיט דעם בריסקער רב, הרב יצחק זאב סאלאווייטשיק.
אין יאר ה'תש"א (1941) איז ער ארויף קיין ארץ ישראל. זיינע עלטערן און נאך א סך פון זיין משפחה זענען אומגעקומען ביים חורבן. אין ה'תש"ו (1946) האט ער חתונה געהאט מיט חיה הדסה ווידיסלאווסקי, א טאכטער פון הרב מאיר ווידיסלאווסקי, אן אייניקל פונעם חידושי הרי"מ, און גרינדער און מנהל פון די בית יעקב מוסדות אין חיפה. א שטיק צייט האט ער געוואוינט אין שערי חסד געגנט אין ירושלים און ער איז געווען פון די נאנטע תלמידים פונעם בריסקער רב. אויך איז ער געווען נאנט צום טשעבינער רב, הרב דב בעריש וויידנפעלד, וואס האט געוואוינט גאנץ נאענט.
אין ה'תש"ח (1948) האבן די עלטערע סטריקעווער חסידים אים געקריינט דעם נעקסטן סטריקאווער רבי. ער האט הויפטקווארטירט דאס חסידות אין תל אביב. שפעטער האט מען אויפגעשטעלט נאך א בית מדרש אין בני ברק. אויסער די מוסדות איז געווען דער אלטער סטריקאווער בית מדרש אין ירושלים, וואס דער אלטער סטריקאווער רבי האט געגרינדעט ווען ער איז געווען אין ארץ ישראל.
במשך די יארן פון זיין רעביסטעווע האט ער זיך דערווייטערט פון רבישע אויפפירונגען. ער איז געווען מקורב צו רב אלעזר מנחם מן שך, אויך א תלמיד פונען בריסקער רב.
אין ה'תשמ"ו (1986) האט ער זיך געצויגן קיין בני ברק און האט דארטן אריבערגעפירט דעם הויפטקווארטיר פונעם חסידות. אין ה'תש"ן (1990) האט ער אויפגעשטעלט די "קול יעקב סטריקאוו" ישיבה, אויף זיין פאטער׳ס נאמען. פירן די ישיבה האבן זיינע איידעמעס: רבי משה שמואל שטערן - זון פון הרב יצחק יהודה שטערן, ביליצער רב, הרב ישעיהו פרענקל-תאומים - רב פון דעם קראקעווער בית מדרש אין בני ברק, און רבי דוד בראנדער - זון פון של רבי שלום בראנדער, וואס איז לאנגע יארן געווען דער בעלזער ראש ישיבה. אין ה'תשנ"ב (1992) האט מען געבויט א נייע שול אין ירושלים, מיט זיין עלטסן אייניקל רבי יעקב דן שטערן אלס רב.
ער איז נפטר געווארן ט"ז אלול ה'תשס"א, און באערדיגט אין הר המנוחות.
ער האט איבערגעלאזט דריי טעכטער. ער האט נישט איבערגעלאזט א קלארע צוואה ווער זאל זיין זיין ממלא מקום, און זיינע חסידים האבן זיך צעטיילט. רוב פון די חסידים האבן מקבל געווען אלס רבי זיין יונגערן איידעם רבי דוד בראנדער, און טייל האבן געקריינט זיין אייניקל רבי יעקב דן שטערן וואס פירט זיין חצר אין ירושלים.