שמואל בוטח

שמואל בוטח
געבורט	19 נאוועמבער 1966 (אלט 57); לאס אנדזשעלעס, פאראייניקטע שטאטן פון אמעריקע
מדינה	פאראייניקטע שטאטן פון אמעריקע
	shmuley.com

שמואן בוטח גריפן שמולי בוטח (געב' דעם 19טן נאָוועמבער 1966) איז א גלענצענדיקער רעדנער און שרײַבער. ער איז געוואָרן אלס יונגער בחור נתקרב צו ייִדישקייט דורך א חב"ד שליח, און זינט דעמאָלט איז ער טעטיק אליין אין קירוב, אָבער זײַן קירוב רחוקים האָט זיך פארשפּרייט מער ארויס פון די גרענעצן פון ייִדישקייט, ער האָט גענומען זײַן טאלאנט צו רעדן אוניווערסאל צו מענטשן פון אלע פעלקער צו ברענגען זיי נענטער צו גאָט.

ביאגראפיע

שמולי בוטח איז געבוירן געוואָרן אין לאָס אנדזשעלעס אין נאָוועמבער 1966.

אָנגעהויבן זײַן קאריערע האָט ער אין סידני, וואו ער האָט געלערנט סמיכה אין דער דאָרטיקער ליובאוויטשער ישיבה און געווען טעטיק צו לייגן תפילין און מקרב זײַן די דאָרטיקע ייִדן.

זײַן הויפּט הצלחה האָט ער געהאט, ווען ער איז געווען דער שליח אין דעם אָקספארדער אוניווערסיטעט. הונדערטער ייִדישע סטודענטן האָבן זיך געקלעפּט צו זײַן כאריזמאטישער פירערשאפט, און האָבן אָנטיילגענומען אין זײַן "לחיים סאסייעטי" חב"ד הויז און איר טעטיקייט.

פון דאָרטן האָט ער גענומען זײַן טאלאנט צו דער וועלט; נעמלעך דער אפענער צוגאנג פון תורה צו די אינטימסטע טיילן פון א מענטשס לעבן, זיין בוך "כשר סעקס" איז געוואָרן א בעסטסעלער. הײַנט-צו-טאָג שרײַבט ער ביכער יעדע פאר חדשים א נײַע, און האָט א טעלעוויזיע און ראדיאָ שוי, הויפּטקווארטירט פון ניו דזשערסי, מיט צוהערער דורכאויס אלע שטעט אין אמעריקע.

עס איז מערקווירדיק, אז טראָץ די טענות, וואָס די פרומע האָבן קעגן אים, אז ער האָט גענומען אזא באהאלטענע נושא ווי סעקס און מיט דעם איז געוואָרן באקאנט, גייט ער נישט אין ערגעץ נישט אָן דער באגלייטונג פון זײַן ווײַב, ער האָט נײַן קינדער און זי איז אוודאי פארנומען ביזן קאפּ מיט הויזארבעט, דאָך פאָרט ער ניט אין ערגעץ ניט צו אין פּובליק אויפטריטן צו פריוואטע סטודיא אָדער בוך אונטערשרײַבן אָן זײַן רעביצין.

אין 2012 איז ער געלאָפן פאר א קאָנגערס זיץ אין ניו דזשערזי אויף דער רעפּובליקאנער פּארטיי.