טיגער

פֿון װיקיפּעדיע
שפּרינג צו: נאַוויגאַציע, זוכן
בענגאל טיגער

א טיגער איז א זויגער פון דער קאץ פאמיליע (panthera tigris). טיגערס זענען שטארק. זיי קומען פון אזיע. זייער פעלץ איז אראנזש מיט שווארצע פאסן. יעדער איינציגער טיגער האט אנדערע שטרייפן וועלכע אונטערשיידט אים פון די אנדערע.

צוליב זיין שיינע פעל און האר, טוט מען אים כסדר פאנגען. דערפאר איז זיין צאל שטארק רעדוצירט געווארן אין די לעצטערע יארן. אין אסאך לענדער זענען טיגערס זענען אויף די באדראעטע מינים ליסטע. אין כינע קען מען באקומען טויט שטראף פארן האנדלען מיט טיילן פון א טיגער.

סארטן[באַאַרבעטן | רעדאקטירן מקור]

עס זענען פארהאן ניין סארטן טיגער'ס, וואס דריי דערפון זענען שוין גענצליך אויסגעראטן.

  • די "בענגעל" טיגער איז די מערסט באקאנטער, ער וואוינט אין אינדיע, נעפאל און בענגלאדעש.

זיין פאפולאציע איז געששאצט אויף ארום 2.500

  • די "מעלעיען" טיגער וועלכע געפונט זיך בלויז אין זיד טייל פון מעלעי, פענינסולע. איר פאפולאציע איז געשאצט ביי אונטער פינעף הונדערט. זי איז די קלענסטע סארט טיגער און די נאציאנאלער סימבאל אין מאלאזיע.

אין 2004 האט מען איר ערשט קאטעגאריזירט אלס באזונדערע מין.

  • די "סומאטראן" טיגער וועלכע געפינט זיך בלויז אינעם אינדיאנעזער סימאטראן אינדזל. איר פאפולאציע איז געשאצט צו זיין צווישן פיר און פינעף הונדערט.
  • דער "סיבירישער" טיגער וועלכער געפונט זיך הויפטזעכליך אין סיביר. ער איז צווישן די גרעסטע טיגער'ס אויף דער וועלט. אין יאר 2005 איז איר פאפולאציע געווען 393.
  • "אינדוטשייניס" טיגער געפונט זיך אין קעמבאדיע, כינע, בורמא, טיילאנד, און וויעטנאם. זייער פאפולאציע ווערט געשאצט צו בלויז 350.
  • פון די דרום כינעזער טיגער איז פארהאן די ווייניגסטע, און זי איז צווישן די צען באשפענישן וועלכע זענען אין גרעסטן געפאר אויסגעראטן צו ווערן.
  • ווייסע טיגער
  • פון די "באלי", "קאספיען" און "דזשאוואן" זענען שוין נישט פארהאן אויף דער וועלט.