יוסף דוב סאלאווייטשיק (ירושלים)

דער ארטיקל דיסקוטירט דעם ראש ישיבה אין ירושלים. טאמער זוכט איר אן אנדער באדייטונג, זעט יוסף דוב הלוי סאלאווייטשיק (באדייטן).

יוסף דוב סאלאווייטשיק

געבורט	1915 תמוז ה'תרע"ו בריסק, רוסלענדישע אימפעריע
טויט	1981 (אלט 66 בערך) ב' אדר ה'תש"ם
קבורה ארט	הר המנוחות
מדינה	ישראל
פאטער	יצחק זאב הלוי סאלאווייטשיק

הרב יוסף דוב הלוי סולובייצ'יק (ירושלים) מיט הרב משה שמואל שפירא

הרב יוסף דוב הלוי סאלאווייטשיק (העברעאיש; סוֹלֹוְצִּ'יק, באקאנט ווי רבי יאשע בער; תמוז ה'תרע"ו - ב' אדר ה'תש"ם) איז געווען בריסקער ראש ישיבה אין ירושלים. ער איז געוואן א זון פון הרב יצחק זאב הלוי סאלאווייטשיק, בריסקער רב.

ביאגראפיע

רבי יאשע בערל איז געבוירן געווארן צו רב יצחק זאב הלוי סאלאווייטשיק און זיין ווייב אלטע הענדל, אן אוראייניקל פון רבי מאיר אוירבאך. ער האט געלערנט ביי זיין פאטער. גלייך נאך זיין בר מצוה האט ער אנגעהויבן לערנען זיין זיידנס ספר חידושי הגר"ח על הרמב"ם ביז ער איז געווען בקי אינעם ספר בעל פה. שוין אין זיינע יונגערע יארן האט ער אנגעהויבן זאגן שיעורים אין בריסק און אין ווארשע.

ביי דער צווייטער וועלט מלחמה איז ער אנטלאפן מיט זיין פאטער קיין ווארשע, און פון דארט קיין ארץ ישראל.

אזוי ווי זיין פאטער, האט ער געעפנט א קיבוץ אין זיין הויז וואו בחורים און יונגעלייט פון ארץ ישראל און חוץ לארץ האבן געלערנט.

ער איז געווען א שטארקער קעגנער פון ציוניזם.

אין תש"ם איז ער נפטר געווארן, און מען האט אים באגראבן אין הר המנוחות. זיין זון רבי אברהם יהושע סאלאווייטשיק האט איבערגענומען זיין קיבוץ. זיין ברודער רבי משולם דוד סאלאווייטשיק, וואס איז געווען א מגיד שיעור ביי רבי יאשע בערל, האט געעפנט זיין אייגענעם קיבוץ.

ספרים

רבי יאשע בערל האט נישט פארשריבן זיינע חידושים, אבער זיינע תלמידים האבן געדרוקט זיינע שיעורים אויף מסכת זבחים מיטן נאמען "חידושי הגרי"ד".

זיינע תלמידים

• זיין זון הרב אברהם יהושע סאלאווייטשיק - זיין ממלא מקום אין דער בריסקער ישיבה
• הרב מאיר שטערן - ראש ישיבת אין פאסייק, פאראייניגטע שטאטן
• הרב אליה בער וואכטפויגל - ראש ישיבה אין דרום פאלסבורג, פאראייניגטע שטאטן
• הרב קלמן עפשטיין - ראש ישיבה פון "שער התורה גראדנע" אין קווינס
• הרב אברהם אזבאנד - ראש ישיבה פון טעלז-ריווערדייל, פאראייניגטע שטאטן
• הרב אברהם גורוויץ - ראש ישיבה פון גייטסהעדער ישיבה, גייטסהעד

וועבלינקען

• קונטרס "שירת הלוי" - אודותיו ומדברי תורתו, בכתב העת ישורון, כרך ח, ירושלים תשס"א

רעפערענצן

• מנחם מנדל גערליץ, חידושי הגר"ח בסוגיות הש"ס, אורייתא, ירושלים, ה'תשס"ד.