משה קוסעוויצקי

משה קוסעוויצקי (ל' סיון ה'תרנ"ט - ז' אלול תשכ"ו) איז געווען איינע פון די ריזן פון חזנות אין די יארן פון נאך די צווייטע וועלט קריג.

משה איז געבוירן אין סמארגאן (נעבן ווילנע, היינט בעלארוס) ל' סיון ה'תרנ"ט צו זיין פאטער אביגדור וואס איז געווען א לערער אויף מוזיק און זיין מוטער אלטע, א פיאניסטקע און א טאכטער פון א חזן. משה'ס דריי ברידער – יעקב, דוד און שמחה – זענען אויך געווען באוואוסטע חזנים.

ביי דער עלטער פון 21 האט ער אנגעהויבן צו דינען אלס חזן אין ווילנע און דריי יאר שפעטער האט ער איבערגענומען דעם אמט פון חזן אין דער טלאמצקע שול אין ווארשעאויפן פלאץ פון גרשון סיראטא, פוילן, וואו ער איז געווען חזן ביז די קריג. משה איז אנטלאפן קיין רוסלאנד מיט זיינע ברידער דוד און יעקב. נאכן קריג איז משה צוריק קיין פוילן ביז תש"ז ווען ער האט זיך געצויגן צו לאנדאן, ענגלאנד און דערנאך אין תש"ז צו די פאראייניגטע שטאטן.

ער איז נפטר געווארן ז' אלול תשכ"ו און מען האט אים געפירט צו קבורה אין הר המנוחות אין ירושלים.

וועבלינק

• פינת היידישקייט

http://www.kikarhashabat.co.il/%D7%9E%D7%A9%D7%94-%D7%A7%D7%95%D7%A1%D7%91%D7%99%D7%A6%D7%A7%D7%99-1.html

http://www.jewish-music.huji.ac.il/heb/thesaurus2251.html?cat=32&in=32&id=667&act=view

http://chazzanut.org/Article.aspx?id=527