רמ"א שוהל

פֿון װיקיפּעדיע
שפּרינג צו: נאַוויגאַציע, זוך

קאארדינאטן: 50°3′9.62″N 19°56′50.13″E / 50.0526722°N 19.9472583°E / 50.0526722; 19.9472583

מזרח וואנט אין דער שוהל

די רמָ"א שוהל איז די צווייט עלצטע שוהל אין דעם קאזימיר געגנט פון קראקע. זי איז געבויעט געווארן דורכן גביר רבי ישראל יאסלס, דער פאטער פונעם רמ"א, אין אנדענק פון זיין ווייב.

די שוהל שטייט ביים מזרח עק פונעם אלטן בית החיים אויף דער שרוקה גאס.

זי איז היינט די קלענסטע שוהל אין קראקע און אויך די איינציגסטע וועלכע איז נאך כסדר אין באנוץ, וואו מען דאווענט אויף נוסח אשכנז די נוסח אויף וואס דער רמ"א האט געדאווענט.

דער טויער ביים אריינגאנג צו דער שוהל

היסטאריע[רעדאַקטירן | רעדאקטירן קוואַלטעקסט]

רבי ישראל האט עס צוערשט געבויט די שוהל פון האלץ אום ה'שי"ג; בערך כסליו ה'שי"ז געפונט מען אן ערלויבעניש פונעם קעניג זיגמונד אויגוסט צו בויען די שוהל.

אין א' אייר אינעם זעלבן יאהר האט אויסגעבראכן א פייער אין דעם געגנט וועלכע האט פארלענדט די שוהל. און אין חשון ה'שי"ח האט ער באקומען א פרישע ערלויבעניש זי איבערצובויען, נאר דאמסמאל פון ציגל כדי זי זאל קענען ביישטיין א שריפה.

פארהאן וואס זאגן אז דאס צווייטע מאל האט מען זי נישט געבויעט אויף גענוי דעם זעלבן פלאץ ווי די ערשטע וואס האט אפגעברענט, וואס אזוי איז משמע פון די דאקומענטן אז די האלצערנע איז געווען אין רבי ישראל'ס הויז.

במשך דער צווייטע וועלט מלחמה האבן זי די נאציס גענוצט פאר א געווער מאגאזין אין וועלכע א טייל באצירונגען זענען געשעדיגט געווארן.

אין יאהר ה'תש"ח האט מען זי פריש איבערגעבויעט און געעפנט צום באנוץ.

זי איז היינט צו טאג פון די מערסט באזוכטע פלעצער וואו יודן גייען אין קראקע.

וועבלינקען[רעדאַקטירן | רעדאקטירן קוואַלטעקסט]

Commons-logo.svg
וויקימעדיע קאמאנס האט מעדיע שייך צו: רמ"א שוהל