פאלאנעז

פֿון װיקיפּעדיע
קפיצה לניווט קפיצה לחיפוש
טיפישער ריטעם פון א פאלאנעז

דער פאלאנעז (פון פראנצויזיש: polonaise) איז א פוילישער טאנץ וואס האט אנגעהויבן ווי א פאלקס־טאנץ און איז געווארן פארשפרייט ביי די פוילישע אדעלן. ער האט א 3/4 ריטעם. געוויינלעך גייט א פאלאנעז אויפן סדר  A-B-A. די A טיילן זענען גלייך אדער גאנץ ענלעך. דער B טייל איז גאר אנדערש. די קלעזמארים פלעגן שפילן אין דער גאלעריע אויבן און מ׳האט געטאנצט אינעם זאל.

דער פאלאנעז איז איינער פון די פינעף נאציאנאלע טאנצן פון פוילן.

פוילישע קולטור איז געווארן פאפולער אין אייראפע אין די 1830ער יארן און דער פאלאנעז איז געווארן פארשפרייט אין אנדערע לענדער. באך, הענדל און אנדערע האבן אלע געשריבן פאלאנעז מוזיק. דער וואס האט געמאכט דעם פאלאנעז בארימט איז געווען פרעדעריק שאפען, וואס האט געשריבן עטלעכע פאלאנעזן אינעם 19טן יארהונדערט. זיי זענען אבער גאנץ שווער צו שפילן.