נעליפינא

נעליפינא (אוקראיניש: Неліпино, נעליפינא, סלאוואקיש: Nelipino, אונגאַריש: Hársfalva, האַרשפֿאַלוואַ) איז א דארף אין קארפאטארוס, 26 ק"מ מזרח פון מונקאטש און 5 ק"מ מזרח פון סוואליאווא.

ביזן ערשטן וועלט קריג איז דאס דארף געווען אין אונגארן, מיטן נאמען הארשפאלווא. נאכן קריג האט קארפאטא-רוס געהערט צו דער נייער מדינה טשעכאסלאוואקיי, און דאס דארף האט באקומען דעם היינטיגן סלאווישן נאמען. ביים צווייטן וועלט קריג איז דער אומגעגנט צוריקגעגעבן צו אונגארן, און זייט דעם קריג איז ער צוגענומען צו אוקראינע.

די יידישע באפעלקערונג פונעם דארף איז געווען 209 אין תרל"ז, און 496 אין תרפ"א.

עס איז געווען א קליין דארף און עס איז געווען דארטן נאטורליכע ערהוילונגען, און צוליב דעם פלעגן אהין קומען אסאך רבנים, איינער פון זיי איז געווען דער נאסאדער רב, הגה"ק ר' אברהם יושע פריינד זצ"ל.