לאנדאנער בארא פון בראמלי

לאנדאנער בארא פון בראמלי
פלאצירן פון בראמלי אין גרויסלאנדאן
געאגראפיע
סטאטוס	לאנדאנער בארא
שטח — סה"כ	188סטער גרעסטער
דעמאגראפיע
באפעלקערונג — סה"כ () — ענגשאפט	24סטע גרעסטע
עטנישע גרופעס
פאליטיק
בירגערמייסטער
בארא הויפטקווארטיר
הערב
הערב פון בראמלי לאנדאנער בארא ראט
אפיציעל וועבארט	http://www.bromley.gov.uk/

דער לאנדאנער בארא פון בראמלי (ענגליש: London Borough of Bromley) איז א לאנדאנער בארא און דער גרעסטער בארא אין לאנדאן, און געפינט זיך ביים גאנצן דרום-מזרח עק, וואו עס גרעניצט זיך מיט די גראַפֿנשאַפֿטן סארי און קענט. אינטערעסאנט צו באמערקן אז ביזן יאר 1965 איז בראמלי טאקע געווען א חלק פון קענט. לויטן צענזוס פון יאר 2021, האט דער בארא א באפֿעלקערונג פון 329,991 איינוואוינער. דער נאמען פונעם בארא קומט נאך איר הויפט שטאט בראמלי. אנדערע באקאנטע געגענטער אינערהאלב דעם בארא זענען פענדזש, הייז, וועסט וויקהאם, טשיזלהורסט, בעקנהאם און ארפינגטאן. די לאקאלע רעגירונג וואס פירט דעם בארא הייסט בראמלי לאנדאן בארא קאונסיל

היסטאריע

די לאקאלע רעגירונג דיסטריקט פון בראמלי איז אויפֿגעשטעלט געווארן אין יאר 1867, וואס האט אריינגענומען אין זיך די גאנצע געגנט פון בראמלי. שפעטער אין יאר 1878, איז די דערנעבנדיגע געגנט בעקנהעם אויך באשטימט געווארן אלס א לאקאלע רעגירונג דיסטריקט. די אלע דיסטריקטן זענען שפעטער איבערגעמאכט געווארן אלס שטאטישע דיסטריקטן אונטער דעם לאקאלן רעגירונג געזעץ פון יאר 1894. נאכדעם האט מען געגרינדעט נאך שטאטישע דיסטריקטן פאר פענדזש און טשיזלהורסט אין יאר 1900, און פאר ארפינגטאן אין יאר 1934.

בראמלי איז געווארן א מוניציפאלער בארא אין יאר 1903, א סטאטוס וואס בעקנהעם האט אויך דערגרייכט אין יאר 1935. אין יאר 1934 האט זיך דער טשיזלהורסט שטאטישער דיסטריקט פאראייניגט מיטן שטאטישן דיסטריקט פון סידקאַפ וואס געפֿינט זיך דערנעבן. דער היינטיגער בארא איז אוועקגעשטעלט געווארן אין יאר 1965, לויט ווי עס איז באשטימט געווארן אינעם לאנדאנער רעגירונג אקט פון 1963. דאס האט אריינגענומען דעם פֿריערדיגן מוניציפאַלן בארא פון בראמלי, דעם מוניציפאלן בארא פון בעקנהעם, דעם ארפינגטאן אורבאן דיסטריקט, דעם פענדזש אורבאן דיסטריקט, און דעם טשיזלהורסט געגנט, וואס איז פריער געווען א טייל פונעם טשיזלהורסט און סידקאפ אורבאן דיסטריקט (דער סידקאפ חלק איז צוגעטיילט געווארן צום לאנדאנער בארא פון בעקסלי). עס איז אינטערעסאנט צו באמערקן, אז דער פענדזש אורבאן דיסטריקט איז געווען דער איינציגסטער טייל פון דעם נייעם בארא וואס איז פריער געווען אונטער די פירערשאפט פונעם לאנדאן קאונטי קאנסיל און דעם מעטראפאליטן בארד אוו ווארקס. זיי האבן געשטימט זיך אפצוזונדערן נאך אין יאר 1899, און האבן געהאט אן אייגענע פירערשאפט ביזן יאר 1965. דער געגנט איז שפעטער אריבערגעפירט געווארן פון קענט, און אזוי ארום איז עס געווארן איינער פון די 32 לאנדאנער באראס. אין יאר 1969, נאך א לאקאלע קאמפיין, האט מען אפגעטיילט דאס דארף נאקהאלט פונעם בארא און עס אריבערגעפירט צום דערנעבנדיגן סעוונאקס (Sevenoaks) דיסטריקט. פאר דעם, ביז יאר 1965, איז נאקהאלט געווען א טייל פונעם ארפינגטאן (Orpington) דיסטריקט. אבער אינטערעסאנט איז, אז די נאקהאלט באן סטאנציע געפינט זיך נאך אלץ אינערהאלב ארפינגטאן.