ישכר דוב רוקח (מאכניווקא)

פֿון װיקיפּעדיע
קפיצה לניווט קפיצה לחיפוש

רבי ישכר דוב רוקח (געב' כ"ג חשוון ה'תשל"ג) איז א באקאנטער עסקן און דער עלטסטער זון פון רבי יהושע רוקח, דער מאכניווקער רבי פון בני ברק.

לעבענסגעשיכטע[רעדאַקטירן | רעדאקטירן קוואַלטעקסט]

רבי ישכר דוב איז געבוירן געווארן אין יאר ה'תשל"ג צו זיינע עלטערן רבי יהושע רוקח, דער היינטיגער מאכניווקער רבי פון בני ברק, און צו זיין מוטער מרת חיה גיטל, טאכטער פון רבי שלום מיכאלאוויטש פון בראדוויל. ער הייסט נאך זיין עלטער-עלטער-זיידע רבי ישכר דוב רוקח, וועלכער איז געווען מער באקאנט מיט'ן נאמען "דער פריערדיגער רב" צווישן די בעלזער חסידים. אין זיין קינדהייט האט ער געלערנט אין דעם מאכניווקער חדר אין בני ברק, און אלס בחור האט ער געלערנט אין די מאכניווקער ישיבה קטנה וואס געפינט זיך אין לאנדאן, און נאכהער אין דער ישיבה פון הרב אטיק אין ירושלים. י"ח מנחם-אב ה'תשנ"א, האט ער געהייראט זיין ווייב מרת שרה לאה, טאכטער פון רבי אברהם לעמבערגער, דער פריערדיגער מאקאווער רב אין בני ברק. דאס פארפאלק האט צוזאמען פערצן קינדער. צו דער חתונה וואס איז געפייערט געווארן אויף א ברייטן פארנעם, און וואס איז פארגעקומען אין דעם "מודיעין" חתונה זאל אין רמת גן, איז דער בעלזער רב, רבי ישכר דוב רוקח געקומען צו פארן, ווי אויך צו א שבע ברכות וואס איז אפגעראכטן געווארן אין דער "לומדי תורה" ישיבה אויף השל"ה גאס, אין בני ברק. רבי ישכר דוב קאמבינירט צוזאמען אין זיין פערזענליכקייט תורה און וואוילטעטיגקייטן. ער איז באקאנט אלס א מרביץ תורה שוין יארן לאנג און לערנט פאר שיעורים. צווישן די אנדערע לערנט ער פאר שיעורים אין מאקאווער בית מדרש אין בני ברק. איינע אויפפאלענדע אקטיוויטעט פון אומצאליגע, איז געוועזען די גרינדונג און גרונטליכע אויפשטעלונג פונעם חסד באטריב "עזרת נישואין" וואס געהערט צום מאכניווער חסידות. עס קלאפן אן כסדר אויף זיין שטוב'ס טיר צעבראכענע מיטגעמאכט מענטשען מיט פארשידענע שוועריגקייטן, סיי רוחניות'דיגע און סיי מאטעריאלישע, צו וועלכע ער העלפט מיט אן אויסטערלישער מסירות נפש און געטריישאפט. די טיר איז אייביג אפן, און אום שבת קודש ס'קומען צו אים פילע געסט, וועלכע ער דערנערט און פויעט. ער געבט אויך באהאלטענערהייט גרויסע געלטער פאר נויטבאדערפטיגע. אין מאכניווקא ער ווערט אויסגערעכנט אלס "דער קראפט וואס רודערט אויף דאס מאכניווקא חסידות אין די לעצטע יארן. געלעגנטליך, פירט ער דורך אויך פארשידענע מגביות און צדקה פאראנשטאלטונגען אין נוץ פון דער מוסדות מיט אן אויסערגעווענליכער איבערגעגעבנקייט. דערצו, דינט ער אויך אלס ראש "כולל ערב" פון מאכניווקא וואס איז פלאצירט אינעם גרויסן מאכניווקער בית מדרש אויף דער רש"י גאס.

קינדער[רעדאַקטירן | רעדאקטירן קוואַלטעקסט]

  • הרב משה, האט געהייראט מרת רעכיל, טאכטער פון זיין פעטער הרב יוסף מאיר מאסקאוויטש.
  • מרת חוה רחל, ווייב פון הרב יהודה זאב טווערסקי, זון פון הרב נחמן יוסף זון פון הרב נחומטשע זון פון הרב יוחנן פון ראחמיסטריווקע.
  • מרת נחמה פעסיל, ווייב פון הרב חנניה יום טוב ליפא רוקח, זון פון איר פעטער הרב יוסף מאיר.
  • מרת רבקה מרים, ווייב פון הרב אהרן יוסף האלבערשטאם, אייניקל פון הרב אלישע, דער גארליצער רבי פון בני ברק.
  • הרב יעקב אברהם יחיאל, האט געהייראט מרת רייצא רחל, טאכטער פון רבי יעקב האראנטשיק פון לעלאוו, און איידעם פון סטאניסלאווער רבי.
  • דוד
  • שלום
  • מלכה
  • פייגא שפרה
  • אהרן
  • איידל
  • יוכבד זלאטא
  • לוי יצחק
  • ליבא חנה