יוסף שמידט

פֿון װיקיפּעדיע
שפּרינג צו: נאַוויגאַציע, זוך

יוסף שמידט (י"ז אדר ה'תרס"ד - כ"ו חשוון ה'תש"ג) איז געווען א חזן, אפערע זינגער און אקטיאר באוואוסט מיט די צונעהמען דער זינגער פון טשערנאוויץ און דער יודישער קארוזאו.

ער איז געווען פליסיג אין די פאלגנדע שפראכן: דייטש, יודיש, ראמעהניש, פראנצויזיש און ענגליש.

ביאגראפיע[רעדאַקטירן | רעדאקטירן קוואַלטעקסט]

יוסף שמידט איז געבוירן אין יאר תרס"ד אין דאווידעני, בוקאווינא, צו זיין פאטער ר' וואלף, א פארמער.

ער האט צוערשט געדינט אלס חזן אין טשערנאוויץ, אבער דערנאך האט ער געדארפט איינרוקן אינעם רומענישן מיליטער.

ער האט געהאט א פראבלעם צו טרעפן א געהעריגן חזנות פאסטן, צוליב זיין גאר נידעריגן וואוקס. דעריבער פלעגט ער ארומפארן האלטן קאנצערטן, און דערביי באצויבערן דעם עולם מיט זיין גרויסער שטימע.

אין יאהר תרפ"ו האט ער איינגערוקט אין ראמענישן מיליטער וואו ער האט געדינט אלס פויקער אין ראדוץ.

אין תרפ"ט האט ער געהאלטן קאנצערטן אין אמסטערדאם און אאנטווערפן, און ער האט אויפגענומען דעם אמט פון חזן אין דער עדת ישראל שול אין בערלין.

אין תרצ"ד האט ער באזוכט אין ארץ ישראל, און אין תרצ"ה האט ער באזוכט אין פוילן וואו ער האט אויך באזוכט ביי אסאך בארימטע חסידישע רבי'ס.

אין ה'תרצ"ט האט ער זיך באזעצט אין בריסל. ווען די נאציס האבן איינגענומען בעלגיע האט ער געוואלט פארן אין אמעריקע, אבער ער האט פארפאסט די לעצטע שיף ווייל איינער האט צוגענומען זיין פלאץ.

ענדליך אין יאר תש"ג האט ער באוויזן אריבערצוגיין די גרעניץ אין דער שווייץ, אבער צו זיין שלעכט מזל האט מען אים צוריק דערפארטירט קיין פראנקרייך.

א חודש דערנאך האט ער ווידער געשווערצט די גרעניץ, און אריין אין א פליטים לאגער. אבער דארט האט ער באקומען א לונגען אנטצינדונג און געשטארבן אין ז' כסליו תש"ג אין יונגען עלטער פון אכט און דרייסיג יאר. ער ליגט אין דעם פריזנבערג בית עולם אין ציריך.

דער קעפל אויף זיין מציבה לייענט זיך א שטערן פאַלט (אין דייטש).

דער חזן משה שטערן האט אסאך נאכגעזינגען פון זיינע שטיקלעך.

שטימע[רעדאַקטירן | רעדאקטירן קוואַלטעקסט]

ווערק[רעדאַקטירן | רעדאקטירן קוואַלטעקסט]

פילמאגראפיע[רעדאַקטירן | רעדאקטירן קוואַלטעקסט]

לידער[רעדאַקטירן | רעדאקטירן קוואַלטעקסט]

  • איין לעבן, איין ליבע

חזנות[רעדאַקטירן | רעדאקטירן קוואַלטעקסט]

ער איז געווען א תלמיד פון החזן דוד משה שטיינבערג און זינגט בעיקר זיינע קאמפאזיציעס.

  • אנא עבדא דקודשא בריך הוא
  • כי לקח טוב

דיסקאגראפיע[רעדאַקטירן | רעדאקטירן קוואַלטעקסט]

רעפערענץ[רעדאַקטירן | רעדאקטירן קוואַלטעקסט]

וועב[רעדאַקטירן | רעדאקטירן קוואַלטעקסט]