ווינדזאר הויז

פֿון װיקיפּעדיע

דאס ווינדזאר הויז איז דאס היינטיקע קעניגלעכע הויז פונעם פאראייניגטן קעניגרייך און אנדערע קאמאנוועלט לענדער. די דינאסטיע שטאמט פון די דייטשע הערצאגן און איז געווען פריער א צווייג פונעם זאקסן-קאבורג און גאטע הויז. עס איז דער נאכפאלגער פונעם האנאווער הויז ווי די מאנארכן פון דער בריטישער אימפעריע נאכן טויט פון דער מלכה וויקטאריע, ווייב פון פרינץ אלבערט פון זאקסן-קאבורג און גאטע. די זאקסן-קאבורג און ווינדזאר הייזער האבן פארזארגט ביז היינט זעקס בריטישע מאנארכן, פינף מלכים, איינער מלכה און די היינטיקע קעניג, טשארלס דער דריטער.

אין 1917 האט מען געענדערט דעם נאמען פון זאקסן-קאבורג און גאטע צום ענגלישן ווינדזאר צוליב דייטש-פיינטלעכקייט אין דער בריטישער אימפעריע במשך דער ערשטער וועלט-מלחמה.[1] אין די יארן פון דער הערשאפט פון די ווינדזארן האבן פאסירן וויכטיגע ענדערונגען אין דער בריטישער געזעלשאפט . די בריטישע אימפעריע האט זיך באטייליקט אין די ערשטער און צווייטער וועלט-מלחמות, זייענדיק ביידע מאל אויף דער זיגנדיקער זייט, דאך נאכהער האט זי פארלוירן איר סטאטוס פון אן איבערמאכט ווערנט דעקאלאניזאציע. דער גרעסטער טייל פון אירלאנד האט זיך געשיידט פונעם פאראייניגטן קעניגרייך. די מערסטע געוועזענע לענדער פון דער אימפעריע זענען געווארן די קאמאנוועלט פון פעלקער.

רשימה פון מאנארכן[רעדאַקטירן | רעדאַקטירן קוואַלטעקסט]

פארטרעט נאמען פון ביז קרובישאפט מיט פארויסגייער
מלך עדווארד דער זיבעטער 22סטן יאנואר 1901 6טן מיי 1910 זון פון וויקטאריע
מלך געארג דער פינפטער 6טן מיי 1910 20סטן יאנואר 1936 זון פון עדווארד דער זיבעטער
מלך עדווארד דער אכטער 20סטן יאנואר 1936 11טן דעצעמבער 1936
(אבדיקירט)
זון פון געארג דער פינפטער
מלך געארג דער זעקסטער 11טן דעצעמבער 1936 6טן פעברואר 1952
מלכה עליזאבעט די צווייטע 6טן פעברואר 1952 8טן סעפטעמבער 2022 טאכטער פון געארג דער זעקסטער
מלך טשארלס דער דריטער 8טן סעפטעמבער 2022 הערשט זון פון עליזאבעט די צווייטע

רעפערענצן[רעדאַקטירן | רעדאַקטירן קוואַלטעקסט]

  1. McGuigan, Jim (2001). "British identity and 'people's princess'". The Sociological Review 48 (1). doi:10.1111/1467-954X.00200. Retrieved 7 June 2013.