גדליה שארר
| ||
| געבורט |
27 נאוועמבער 1910  | |
|---|---|---|
| טויט |
7 יולי 1979 (אלט 68) | |
| קבורה ארט |
יידישע בית עולם פון הר הזיתים | |
| לערנארט |
תורה ודעת | |
  | ||
הרב גדליה הלוי שאָרר (תר"ע, 1910 - ז תמוז תשל"ט, 2טן יולי 1979 ) איז געווען דער ראש ישיבה פון תורה ודעת אין די פֿאַראייניקטע שטאַטן.
לעבנסגעשיכטע
[רעדאַקטירן | רעדאַקטירן קוואַלטעקסט]ער איז געבוירן געווארן אין איסטריק, נישט ווייט פון פשעמישל, גאליציע, אין א משפחה פון סאדיגורער חסידים. זײַן זיידע, נאָך וועמען ער הייסט, איז געווען רבי גדליה שור פון אסטריק. ס׳איז אנגענומען אין דער משפחה אז זיי זענען אייניקלעך פון רבי גדליה פון ליניץ, א תלמיד פונעם מעזריטשער מגיד. אין זײַן יוגנט האָט זײן משפּחה עמיגרירט קיין ניו־יאָרק. ער איז געווען פון די ערשטע בחורים אין ישיבת תורה ודעת. נאך זיין חתונה איז ער געגאנגען לערנען אין דער קלעצקער ישיבה וואו ער האט א שטיק צייט געלערנט ביי רבי אהרן קאטלער און געווארן זיינס א תלמיד מובהק .
נאָכן צוריקקערן קיין אַמעריקע איז ער באַשטימט געוואָרן א מגיד שיעור אין תורה ודעת. צענדליגע יארן האט ער געדינט אלס ראש ישיבה. ער האט אויך געדינט אלס ראש ישיבה אין בית מדרש עליון. אונטער זיין השפּעה האָבן עטלעכע פון די בחורים פון די ישיבות באקומען א חסידישע השפּעה, ספעציעל הרב משה וואָלפסאָן .
ער איז געווען איינער פון די פירער פונעם חרדישן ציבור אין די פאראייניגטע שטאטן, א פירער פון אגודת הרבנים, א פירער פון אגודת ישראל אין די פאראייניגטע שטאטן, און אן אקטיוויסט פאר חינוך עצמאי.
ער איז נפטר געווארן אין תשל״ט, אין מיטן פון א שבע ברכות סעודה פון א תלמיד, עטלעכע מינוט נאָך פאַרענדיקן זיין דרשה לכבוד דעם חתן. זיין אָרון האָט מען אריבערגעפירט קיין ארץ ישראל און ער איז באַגראָבן געוואָרן אין הר הזיתים אין ירושלים .
נאך זיין פטירה איז ארויס א סעריע ספרים "אור גדליה" - אויף תורה, מסכתות פון ש"ס, ווי אויך מוסר שמועסן, וואס מ׳האט צאמגעשטעלט פון זיינע שיעורים און שמועסן אין דער ישיבה.
משפחה
[רעדאַקטירן | רעדאַקטירן קוואַלטעקסט]ער האט געהאט פיר זין און פיר טעכטער. זיינע זין זענען:
- הרב יצחק מאיר שארר (נפטר תשפ"ב 2021[1]), דער בכור, רב פון דער קהילה 'יוצאי תורה ודעת' און מחבר פונעם ספר "מגדל אור" (ביאגראפיע פון הרב גדליה שארר)
- הרב רפאל שארר, רב פונעם בית המדרש "תפארת גדליהו" און מחבר פון די ספרים "משנת הלוי" על הש"ס
- הרב ישראל שמחה שארר, ראש ישיבה פון אור שמח אין די פאראייניגטע שטאטן און הויפט רעדאקטאר פונעם שאטנשטיין ש״ס;
- הרב אברהם שארר, רב פון בית המדרש ״נזר גדליהו״ און מחבר פון די ספרים ״אורות אמונה״ און ״הרחב דבר״
איינער פון זיינע איידעמעס איז הרב משה זילבערבערג, אייניקל פונעם רב פונעם פיטסבורגער רב, רבי אברהם בנימין זילבערבערג, און מחבר פון די ספרים "זכרון צבי מאיר" און א געוועזענער מגיד שיעור אין ישיבת בית מדרש עליון.
הרב צבי מאיר זילבערבערג איז זיין אייניקל. זיין אייניקל רבי חיים יהושע שארר איז אן איידעם ביים גערער רבי׳ן, רבי יעקב אריה אלטער.
זיינע ספרים
[רעדאַקטירן | רעדאַקטירן קוואַלטעקסט]- סדרת אור גדליהו על התורה, הש"ס, שיחות מוסר
וועבלינקען
[רעדאַקטירן | רעדאַקטירן קוואַלטעקסט]- אור גדליהו, בראשית, ביי HebrewBooks
- אור גדליהו, שמות, ביי HebrewBooks
- אור גדליהו, ויקרא במדבר דברים, ביי HebrewBooks
- אור גדליהו, על המועדים, ביי HebrewBooks