בית יוסף'ס קשיא

דער בית יוסף'ס קשיא איז א באקאנטע פראגע אין די עולם התורה וועלכע קינד און קייט ווייסט, און הונדערטער תירוצים זענען שוין געזאגט געווארן דערויף אום חנוכה אין לויף פון די דורות.

עס ווערט פאררופן אויף רבי יוסף קארו וואס ברעהנגט עס אראפ אין זיין ספר בית יוסף אויפן טור, אבער באמת איז עס שוין א קשיא פון די ראשונים נאר וויבאלד זייערע ספרים זענען אמאל נישט געווען בנמצא ווערט עס גערופן אויף זיין נאמען.

די פראגע

די פראגע איז פארוואס צינדט מען ליכט אכט טעג חנוכה, אמער פאר איין טאג איז דאך געווען גענוג אויל?

תירוצים

דער בית יוסף אליינס ענטפערט דריי תירוצים אויף די קשיא:

• די כהנים האבן צוטיילט די אויל, יעדע נאכט האבן זיי נאר אריינגעלייגט א אכטל אין די מנורה און ס'איז געשעהן יעדע נאכט א נס אז ס'האט געברענט א גאנצע נאכט (תוספות הרא"ש).

• די קריגל איז יעדע נאכט געבליבן פול נאכן אנפיהלן די מנורה מיט אויל.

• די מנורה איז יעדן צופריה געבליבן פול ווי בעפארן אנצינדן.

אויף די תירוצים פרעהגט מען אויך קשיות..

און במשך די דורות איז שוין געענטפערט געווארן הונדערטער אויב נישט טויזענטער תירוצים בדרך דרוש, אגדה, חסידות און סוד. און עס ווערט נאך היינט נתחדש פארשידענע תירוצים.

בפרט די חסידישע ספרים ווי דער בני יששכר און קדושת לוי זענען פארנומען דערמיט.

וועב לינקען

• קושיית בית יוסף ביי ויקישיבה http://www.yeshiva.org.il/wiki/index.php?title=%D7%A7%D7%95%D7%A9%D7%99%D7%99%D7%AA_%D7%91%D7%99%D7%AA_%D7%99%D7%95%D7%A1%D7%A3_%D7%A2%D7%9C_%D7%97%D7%A0%D7%95%D7%9B%D7%94#section_6
• ביי תפוז פארומס http://www.tapuz.co.il/forums2008/viewmsg.aspx?forumid=1420&messageid=67066692&r=1#67066692
• תירוצים אויף בחדרי חרדים http://www.bhol.co.il/forums/topic.asp?topic_id=2321476&forum_id=771 (ארכיווירט 05.03.2016 ביי דער Wayback Machine)
• ביי חדוש http://www.hidush.co.il/hidush.asp?id=1378#.VJRRRd0NA
• אויף אידישע וועלט http://www.ivelt.com/forum/viewtopic.php?f=4&t=3120&sid=2a11bea2f0be9d2e9defcea35b21524a
• חסידישע וויצן אויף חדשות אנש אין בילדער http://www.bhol.co.il/forums/topic.asp?topic_id=2323235&forum_id=7957
• קאמישער ארטיקל אין קאווע שטיבל http://www.kaveshtiebel.com/viewtopic.php?f=10&t=5347