2023 ישראל–כאמאס קריג

מאפע

די מדינת ישראל-כאמאס קריג איז אן אנגייענדער קאנפליקט צווישן מדינת ישראל און פאלעסטינע מיליטאנטישע גרופעס געפירט דורך כאַמאַס

די מלחמה האט זיך אָנגעהויבן מיט א קארדאנירטע איבעראשענדע אינוואזיע פון די עזה פאס אנטקעגן מדינת ישראל שמחת תורה, 7טן אין אוקטובער 2023 גערופן אפעראציע אל-אקצא פארפלייצונג. די מדינת ישראל קאנטער-אפענסיווע ווערט גערופן אייזערנע שווערדן מלחמה.

די אטאקע האט זיך אנגעהויבן אין די פרי מארגן וואס האט אריינגענומען א באראדזש פון אמווייניגסטנס 3,000 ראקעטן וואס זענען ארויסגעשאסן געווארן פון עזה אנטקעגן מדינת ישראל; און אן אינוואזיע פון טרעקלעך, גליידערס, און שיפלעך וואס האבן אריינגעדרונגען אין די טערעטאריע. א געשאצטע 2,500 פאלעסטינער מיליטאנטן האבן זיך אדורכגעבראכן די מדינת ישראל עזה באריקאדעס און האבן אנגעהויבן אטאקירן די דערנעבענדיגע ישובים אויס'שחט'נדיג גאנצע פאמיליעס, טאטעס, מאמעס, און קליינע קינדער אין די בעטלעך; ווי אויך האבן זיי איבערגעפאלן און אטאקירט מיליטערישע איינריכטיגונגען הרגענדיג אמווייניגסטנס 1,400 איזראעליס, אריינגערעכנט א מאסן-שחיטה אנהייב פונעם קאנפליקט ביי א מוזיק פעסטעוואל ווי אמווייניגסטנס 260 ציווילע זענען דערמארדעט געווארן. ארום 200 - 250 אומבאוואפענטע איזראעליס, סאלדאטן, אריינגערעכנט פרויען און קינדער זענען פארכאפט געווארן אלס משכונות קיין עזה.

אין רעאקציע האט דער מדינת ישראל מיליטער אנגעהויבן מיט שווערע באמבעדירונגען אויף עזה, דער איזראעלי פרעמיער מיניסטער בנימין נתניהו האט אין א קורצע שטארקע רעדע דערקלערט א סטעיט אויף עמערדזשענסי און קריג, שווערענדיג פאר א "מעכטיגע נקמה" אנטקעגן טעראריזם, זאגנדיג אז כאמאס האט געמאכט א שרעקליכע גרייז מיט דעם שריט און זיי וועלן באצאלן דעם פרייז. עטליכע אָפּאָזיציע פּאַרטייען האָבן גערופן די פאָרמירונג פון אַ נאציאנאלע פאראייניגטע רעגירונג.

נאָכן ארבעטן אויף אויסרייניגן מיליטאַנטן פון אינפילטריטע געגנטן, און איינזאמלען איבער 300,000 רעזערוויסטן האלט די מדינת ישראל מיליטער אן מיט מעכטיגע לופט באמבעדירונגען אויף דעם געדיכט באפעלקערטע עזה סטריפּ צילנדיג אויף סטראטעגישע געביידעס און הונדערטער מיליטערישע צילן, מיט רעפּאָרטירענדע פאלן פון שיסן אויף ציווילע אינפראסטרוקטור, אריינגערעכנט באוואוינטע געביידעס, מאסקעס און שפיטעלער. צענדליגע טויזענטער סאלדאטן, טאנקען און טרעקלעך, שטייען אויסגעשטעלט ביים עזה גרעניץ גרייט פאר א שטארק-מעגליכע באלדיגע ערד-אינוואזיע.

לויט די כאמאס קאנטראלירטע געזונטהייט מיניסטעריום אין עזה זענען שוין אומגעקומען אמווייניגסטנס 2,750 פאלאסטינער פון שיסערייען און לופט באמבעדירונגען אריינגערעכנט 260 קינדער. די צה"ל האט באשטעטיגט אז זיי האבן דערהארגעט איבער 1,550 מיליטאנטן אין מדינת ישראל טעריטאריע.

איבערבלייבענישן פון שדרות פאליציי סטאנציע

די מלחמה רעפּרעזענטירט אַ שפּיץ פונקט אין די ישראל-פּאַלעסטינער קאָנפליקט און אין די עזה-ישראל קאָנפליקט, וואָס קומט נאך אַ היציגע יאָר וואָס האָט געזען וואקסענדע אנעקסירונג פון ישראל ישובים און צוזאמענשטויסן אין דזשענין, על-אַקצאַ מאסק, און עזה, וואָס געהרגעט ארום 250 פּאַלעסטינער און 36 ישראלים. כאמאס האט ציטירט די דאזיגע געשעענישן אלס בארעכטיגונג פאר די אטאקע און האט גערופן די פאלעסטינער זיך אנצונעמען אין קאמף צו "פארטרייבן די אקופירער און אראפברענגען די מויערן".

געביידע אין עזה ווערנדיג פלאך געמאכט דורך ישראל'ישע מיסילס

די פאראייניגטע פעלקער האבן געמאלדן אז ארום א מיליאן פאלאסטינער, נאנט צו האלב פון די באפעלקערונג פון עזה, האבן פארלאזט זייערע הייזער זינט דעם אנהויב פון די קריג. די שרעק פון אַן הומאַנעטעריאַטישע קריזיס איז פארשטערקערט געווארן נאך וואס מדינת ישראל האט אפגעשטעלט עסנוואַרג, וואַסער, עלעקטריק, און ברענשטאף סאפּלייען צו די שוין בלאַקירטע פּאַס. די מדינת ישראל מיליטער האט געשיקט מעלדונגען פאר 1.1 מיליאן עזה איינוואוינער ווארענדיג שוין צו עקוועאירן פון צפון עזה. בשעת כאמאס רופט פאר די איינוואוינער צו פארבלייבן אין זייערע הייזער און האבן אפגעשפארט די וועגן וואס פירן קיין דרום. די פאראייניגטע פעלקער און אסאך אנדערע -בעיקר איסלאמישע- לענדער האבן גערופן פאר א באלדיגע פייער-אפשטעל. מענטשן רעכטן גרופעס האבן גערופן אריינצונעמען פאלאסטינע ציווילע פליטים.

פ.ש. פרעזידענט דזשאו ביידען ביים איבערגעבן רימארקס איבער דעם קאנפליקט

אסאך לענדער פון דער מערב וועלט און אירע אליאירטע האבן פארדאמט כאמאס פאר די געוואלדטאטן און שחיטות, און באשריבן די טאקטיקן וואס די ארגאניזאציע האט גענוצט אלס טעראר; בשעת עטליכע לענדער פון דער מוסולמענער וועלט האבן באשולדיגט די מדינת ישראל אקופאציע פון פאלעסטינער טעריטאריעס און די אפלייקענונג פון די פאלעסטינער זעלבסט-שטענדיקייט אלס די שורש סיבה פון דער עסקלאציע, און אנדערע האבן פארלאנגט די-עסקאלאציע און א אויפהער צום קריג. מענטשנרעכט וואך האט פארדאמט סיי כאַמאַס'ס און ישראל'ס אויפפירונג אלס מלחמה פארברעכנס. די פאראייניגטע שטאטן רעגירונג האָט געמאָלדן אז זי שטיצט מדינת ישראל מיטן גאנצן קראפט און זי פירט אריבער אן ערקראַפט טרעגער, קאמף גרופעס, און מיליטערישע דזשעטס צו די מזרח ראיאן און מיטן צושטעלן פאר מדינת ישראל נאָך מיליטעריש געצייג און שיסוואַרג. א קאָנפליקט איז געמאלדן צווישן כיזבאָלאַ און על-קודס בריגאַדעס פאָרסעס אין לבנון און ישראל פאָרסעס אויף 8 און 9 אקטאבער.