אלחנן יוסף הערצמאן

פֿון װיקיפּעדיע
קפיצה לניווט קפיצה לחיפוש

הרב אלחנן יוסף הערצמאן ז"ל (ה'תרע"ז - ה'תשס"ט) איז געווען א בעל מוסר און מחבר ספרים, שרייבער און רעדנער איבער מוסר. ער האט געוואוינט אין וויליאמסבורג

ביאגראפיע[רעדאַקטירן | רעדאקטירן קוואַלטעקסט]

געבוירן געווארן כ"ט כסלו שנת תרע"ו לפ"ק, דעם פיפטן טאג חנוכה, אינעם דארף ניסינע אין לובלינער געגנט, צו זיין פאטער הרה"ח ר' שמואל ז"ל און זיין מוטער מרת צפורה ע"ה, נאך יארן לאנג וואס זיינע עלטערן האבן חתונה געהאט און זענען נאכנישט געהאלפן געווארן מיט קינדער.

זיינע געשוויסטער זענען געווען, אביגדור מאיר, אליעזר, פראדל, זלאטא לאה, און חנה ע"ה הי"ד.

זיין פאטער ר' שמואל איז געווען א פלאמפייערדיגער חסידישער און ערליכער איד. ער פלעגט פיל מאל פארן צום טריסקער רבי'ן הרה"ק רבי משה מרדכי זצ"ל הי"ד, וועלכער האט געוואוינט אין לובלין.

ער איז געווען א תלמיד פון ר' ברוך בער לייבאוויץ ז"ל, און פון דער מירער ישיבה וואו ער איז געווען א תלמיד בשעת דער צווייטער וועלט-מלחמה און ער איז מיט זיי אינאיינעם אנטלאפן פון די נאציס ימ"ש קיין שאנכיי. נאך דער קריג האט ער פאראייביגט די דאזיגע איבערלעבענישן אין א בוך מיט'ן נאמען "מירער ישיבה אין גלות".

נאך דער צווייטער וועלט מלחמה איז ער געקומען אין אמעריקע וואו ער האט זיך באזעצט אין וויליאמסבורג און פלעגט דאווענען אין מירער ביהמ"ד אויף מארסי עוו. און אין ביהמ"ד קיוויאשד אויף פען סטריט וואו ער פלעגט געבן אסאך מאל שיעורים.

זיין גאנץ געזונט לעבן האט ער געטון עסקנות אן אויפהער, געשריבן ארטיקלען, געהאלטן דרשות, מחי' געווען מענטשן, מעורר געווען צו לימוד התורה, געהאלפן אין שלום בית, און געלעבט פאר זיך ארים ווי די נאכט אין א אפארטמענט בילדינג. 

זיינע ארטיקלען זענען געלאפן וועכענטליך יארן לאנג אין דער איד. ער האט אנגעשריבן עטליכע ספרים איבער יראת שמים.

ער איז נפטר געווארן אין ניו יארק ביי דער עלטער פון 92 י"א ניסן ה'תשס"ט.

צענדליגע אידן זאגן אז זיי זענען געהאלפן געווארן ממש שלא כדרך הטבע דורך טון די זאכן וואס ער האט געבעטן, זיין ציון איז געווארן א צוציאונגס ארט וואו מען האלט אין איין שטראמען, און וואונדער ווערט דערציילט ווי מען האלט אין איין געהאלפן ווערן, זיווגים, זש"ק, פרנסה, וכו' וכו'.

זיינע ספרים[רעדאַקטירן | רעדאקטירן קוואַלטעקסט]

  • בית נאמן
  • גדלות האדם
  • דער מוסר וועלט - אידיש
  • חיזוק און מוסר - אידיש
  • חינוך הבית – אידיש
  • חינוך הבית לשה"ק ב"ח
  • יסודות החינוך
  • למה תתראו
  • מוסר השכל
  • מופת הדור
  • מירער ישיבה אין גלות - אידיש
  • מכל מלמדי השכלתי
  • עולם המוסר והדעת
  • און נאך פילע קונטרסים

דרויסנדיגע לינקס[רעדאַקטירן | רעדאקטירן קוואַלטעקסט]

זיין ספר מירער ישיבה אין גלות: https://archive.org/stream/nybc204595#page/n2/mode/2up