אור הגנוז
| ||||||||||
יישוב אור הגנוז איז א חרדיש דארף, וואס געפונט זיך אויף די בערג אין אויבער גליל אין צפון ארץ ישראל, אין די גרעניצן פון דער מרום הגליל פארוואלטונג.
דער יישוב אור הגנוז איז געגרינדעט געווארן אין יאר ה'תשמ"ט דורך א גרופע פרומע אידן, וועלכע האבן דארט אויפגעשטעלט מוסדות התורה און אלע געברויכן פאר חרדישע איינוואוינער. אזוי אויך איז דא דארט א וויין פאבריק און א מצה בעקעריי.
אור הגנוז געפונט זיך הארט נעבן בר יוחאי און אויף דער אנדערע זייט איז זי נאנט צום אור-אלטן היסטאריש דערפל "ספסופה". אויך איז זי גאר נאנט צו מירון, נישט מער ווי א דריי פערטל שעה גאנג צום קבר הרשב"י.
די איינוואוינער דארט האבן א ספעציעלן נאנטקייט צום לימוד הקבלה און תורת הנסתר וועלכער רשב"י האט מגלה געווען, און דאס ווערט פיל אונטערגעשטיצט מיטן געאגראפישן נאנטקייט צום קבר הרשב"י. דער מירון'ער אטמאספערע גיסט זיך איבער, אין א געוויסן זין, אויך קיין אור הגנוז, וועלכער טראגט טאקע דעם נאמען פון איינע פון די פונדאמענטאלע באגריפן אין חכמת הקבלה, "אור הגנוז".
דער אור הגנוז וויין
[רעדאַקטירן | רעדאַקטירן קוואַלטעקסט]ארום אור הגנוז זענען איינגעפלאנצט פילע וויינגערטענער, און דארט מאכט מען די כשר'ע אור הגנוז וויין, וואס ווערט עקספארטירט צו פילע חרדישע געגנטער איבער דער וועלט. דער אור הגנוז וויינעריי איז נאך טאקע יונג, געגרינדעט אין 2005, אבער דאך מאכט זי גאר שנעלע פארשריט, און אירע וויינען זענען שוין אנערקענט געווארן מיט עטליכע אויסצייכענונגען.
| מרום הגליל ראיאנראט (צפון דיסטריקט) | ||
|---|---|---|
| קיבוצים | 
| |
| מושבים | ||
| געמיינשאפט־זידלונגען | ||
| צירקאסיש דארף | ||
| דרוזיש דארף | ||