שלמה האלבערשטאם (ב)

פֿון װיקיפּעדיע
שלמה האלבערשטאם
קיין פריי בילד
געבורט 7 נאוועמבער 1907
באבאוו, פוילן רעדאקטירן דעם פֿאקט ביי וויקידאטן
טויט 2 אויגוסט 2000 (אלט 92)
ניו יארק, פאראייניקטע שטאטן פון אמעריקע רעדאקטירן דעם פֿאקט ביי וויקידאטן
מדינה דייטשלאנד רעדאקטירן דעם פֿאקט ביי וויקידאטן
קבורה ארט ניו זשערסי רעדאקטירן דעם פֿאקט ביי וויקידאטן
פאך רב רעדאקטירן דעם פֿאקט ביי וויקידאטן
אַמט אדמו"ר רעדאקטירן דעם פֿאקט ביי וויקידאטן
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער

רבי שלמה האלבערשטאם (א' כסלו ה'תרס"ח - א' מנחם אב ה'תש"ס), דער דריטער באבובער רב.

אפשטאם[רעדאַקטירן | רעדאַקטירן קוואַלטעקסט]

רבי שלמה איז געבוירן אין באבאוו א' כסלו ה'תרס"ח צו זיין פאטער הרב בן-ציון האלבערשטאם, רב אין באבאוו, א זון פון הרב שלמה האלבערשטאם, רב אין באבוב, א זון פון רבי מאיר נתן האלבערשטאם, א זון פון הרב חיים האלבערשטאם, דער דברי חיים. און צו זיין מוטער מרת חיה פראדיל א טאכטער פון הרב שלום אליעזר האלבערשטאם, א זון פון הרב חיים האלבערשטאם, דער דברי חיים.

רבנות[רעדאַקטירן | רעדאַקטירן קוואַלטעקסט]

אין תרצ"א האט זיין פאטער זיך געצויגן קיין טשעבין, און איבערגעלאזט ר' שלמה אלס "יונגער רב" אין באבאוו.

אלס יונגערמאן אין באבאוו האט ער געפירט די נעצווערק פון 40 באבאווער ישיבות אין גאליציע.

אין תרצ"ט ווען די נאציס זענען אריין אין גאליציע איז די משפחה אנטלאפן און געוואנדערט ביז לעמבערג. רוב פון דער משפחה איז אומגעקומען דארט, אבער ר' שלמה, מיט איין זון נפתלי צבי, האבן זיך געראטעוועט און געוואנדערט ווייטער. ש"ק פרשת בהעלתך זענען זיי געווען אין ניימארק און די געשטאפא האט זיי געכאפט פרובירנדיק זיך אריבערכאפן איבערן גרענעץ אין סלאוואקיי. מיט נסים זענען זיי באפרייט געווארן. ענדלעך זענען זיי געקומען קיין בוקארעסט, רומעניע, וואו זיי האבן זיך באהאלטן ביז נאך דער מלחמה.

ער איז אנגעקומען קיין אמעריקע נאך דער צווייטער וועלט מלחמה, וואו ער האט ווידעראמאל אויפגעשטעלט דאס באבאווער חסידות אינעם קרוין הייטס געגנט פון ברוקלין, ניו יארק. שפעטער האט ער זיך געצויגן קיין בארא פארק, וואו דאס חסידות איז היינט הויפטקווארטירט.

הסתלקות[רעדאַקטירן | רעדאַקטירן קוואַלטעקסט]

רבי שלמה איז נפטר געווארן א' מנחם אב ה'תש"ס. ער ליגט אין פלאראל פארק בית עלמין, ניו דזשערסי און מען האט געשטעלט דארט אן אהל אויף זיין קבר.

פאמיליע[רעדאַקטירן | רעדאַקטירן קוואַלטעקסט]

אין יאר ה'תרפ"ה האט רבי שלמה געהייראט בזיווג ראשון מרת בלומא רחל, א טאכטער פון זיין פעטער הרב חיים יעקב טייטלבוים, רב אין לימאנאוו. זי איז אומגעקומען אויף קידוש השם מיט אירע קינדער, געבליבן איז איין זון:

נאך דער צווייטער וועלט־קריג האט רבי שלמה געהייראט בזיווג שני מרת פריידא, א טאכטער פון הרב אריה לייביש רובין פון ציעשינאוו. זייערע קינדער:

  • מרת מרים נחמה, די ווייב פון הרב חיים יעקב יוסף טויבער, באבאווער דיין אין בארא פארק
  • מרת דבורה לאה, די ווייב פון הרב יונתן בנימין גאלדבערגער
  • מרת שרה הענא, די ווייב פון הרב יעקב ישראל ישורון מייזליש, רב אין קרית באבוב בת-ים
  • הרב בן ציון אריה לייבוש האלבערשטאם, באבאווער רב
  • מרת מלכה, די ווייב פון הרב בן-ציון בלום, רב קהל באבוב לאנדאן.
  • מרת אסתר שיינדיל, די ווייב פון הרב ברוך אברהם צבי הורוויץ פון מאנסי

זיינע ספרים[רעדאַקטירן | רעדאַקטירן קוואַלטעקסט]

  • דברי שלמה (רעדאגירט דורך רבי בן ציון האלבערשטאם, באבעווער רבי)
  • כרם שלמה (ארויסגעקומען דורך הרה"ק מבאבוב זצ"ל,)
  • חכמת שלמה (ארויסגעקומען דורך ר נחום שלאף מחסידי באבוב 45,)
  • נועם שלמה (ארויסגעקומען דורך נכדו האדמו"ר מביקאבסק מחסידי באבוב-45,)
  • שיח שלמה (ארויסגעקומען דורך חסידי באבוב-45,)
  • מכתבי הדרכה (ארויסגעקומען דורך חסידי באבוב-45,)
  • וועכענטליכע גלין שיחי שלמה (ארויסגעקומען דורך חסידי באבוב-45,)

רעפערענצן[רעדאַקטירן | רעדאַקטירן קוואַלטעקסט]

  • אנציקלופדיה לחכמי גליציה, מאיר וונדר



פריערדיקער:
הרב בן-ציון האלבערשטאם זצ"ל
באבאווער רבי
תש"ז-תש"ס
קומענדיקער:
הרב נפתלי צבי האלבערשטאם


זעט אויך[רעדאַקטירן | רעדאַקטירן קוואַלטעקסט]

וועבלינק[רעדאַקטירן | רעדאַקטירן קוואַלטעקסט]

דער רבי לויפט... (ארכיווירט 10.03.2007 ביי דער Wayback Machine)