יוסף יחיאל מיכל לעבאוויטש
|
דער אַרטיקל איז אַ יתום, ווייל ווייניק אָדער קיין אַרטיקלען פאַרבינדן צו אים. זייט אַזוי גוט שאַפט לינקען צו דעם בלאַט פון אַרטיקלען וואָס האָבן אַ שייכות; ס׳איז פאַראַן פאָרשלאָגן. |
 | |
| מדינה |
פאראייניקטע שטאטן פון אמעריקע  |
|---|---|
| פאך |
רב |
  | |
הר"ר יוסף יחיאל מיכל לעבאוויטש איז דער ניקאלשבורגער רבי פון מאנסי, באקאנט מיט זיינע פייערדיגע שלוש סעודות תורות.
ביאגראפיע
[רעדאַקטירן | רעדאַקטירן קוואַלטעקסט]הרב יוסף יחיאל מיכל לעבאוויטש איז א זון פון זיין פאטער רבי ברוך יהודה לעבאוויטש (תרס"ח - תשי"א), אן איידעם פון רבי שרגא שמואל שניצלער (תרמ"ט - כ"ז תשרי תש"ם), טשאבער רב אין ירושלים,[1] און זיין מוטער יענטל. ער איז געוועזן א תלמיד אין דער סאטמארער ישיבה. ער האט אנגעהויבן פירן א חבורה פון ערליכע בחורים ווי מען איז זיך צוזאמען געקומען יעדע שטיק צייט זיך מחזק צו זיין אין עבודת השם.[2]
במשך א צייט בעיקר נאכן רביה"ק מסאטמאר זי"ע הסתלקות האט מען אים אויפגענומען אלס רבי, און אזוי ווי ער איז אן אייניקל פונעם רבי'ן ר' שמעלקא פון ניקאלשבורג האט דאס חסידות באקומען דעם נאמען ניקאלשבורג.
ניקאלשבורג היינט
[רעדאַקטירן | רעדאַקטירן קוואַלטעקסט]דאס ניקאלשבורגער חסידות איז היינט פלאצירט אין דער שטאט מאנסי ווי זיי האבן געבויעט א שיינעם בית המדרש.
דער ניקאלשבורגער רבי האט א נאמען פון א שטארקן צוגעלאזטן איד, מיט וועם מ'קען זיך דורך רעדן כל ערליי ענינים ברוחניות ובגשמיות, אסאך יידן קלאפן אן טעגלעך ביי אים אין שטוב צו הערן א עצה והדרכה, צו זאל עס זיין שלום בית, געזונט און פרנסה.
זיין געגנווארט איז געשמאק, ווייל ער האט אלע כשרונות וואס א איד קען זיך נאר ווינטשן, ער איז א הערליכער בעל תפילה, ווי אויך א געוואלדיגן כח הדרוש, און א שמועס מיט אים איז מחי' נפשות. ועל כולם זיין קרייז איז א חסידישער עולם, ער האט איבערגעדרוקט ספרים ווי נתיב מצוותיך מיט זיינע הגהות און עס איז דא הונדערטער כתבי ידות פון זיינע חידושים.
ער האט חתונה געהאט מיט דער טאכטער פון אוהעלער רבי'ן און געצויגן קיין מאנסי.
רעפערענצן
[רעדאַקטירן | רעדאַקטירן קוואַלטעקסט]- ↑ ייחוס, archived from the original on 2012-03-03, https://web.archive.org/web/20120303083357/http://www.nikolsburg.org/schmelka.aspx, דערגרייכט 2010-11-04
- ↑ דער ניקאלשבורגער רבי, archived from the original on 2011-07-03, https://web.archive.org/web/20110703154223/http://www.nikolsburg.org/therebbe.aspx, דערגרייכט 2010-11-04
וועבלינקען
[רעדאַקטירן | רעדאַקטירן קוואַלטעקסט]- ניקאלשבורג וועבסייט
- גוגל ווידעא קליפ פון דער רבי רייסט איין אויפן קבר פון ר' משה חיים לוצאטא (ארכיווירט 14.03.2007 ביי דער Wayback Machine)
- קליפ פון דער חתונה פונעם רבינס טאכטער מיטן אייניקל פונעם תולדות אברהם יצחק רבי'ן.
- ברכת החמה ערב פסח נאכן דאווענען תשס"ט לפ"ק
- מוצאי יום הקדוש תשס"ט לפ"ק
- חנוכה לעכט צידן
- כ"א כסלו תשס"ט